影片
更多
2020-08-31
1158 瀏覽
呢日去開旺角Office開會，就順便去彌敦道726大廈搵食。唔知係咪疫情嘅影響，呢日竟然唔駛等笠😂。呢幢大廈一向多嘢食就係人都知，但好多間我都已經試過，喺大堂見到有個花牌寫住18樓有新餐廳開張，就做白老鼠試下。新餐廳叫「雲魅」，即係食乜㗎呢🤔。無幾耐就有位年輕女店員同我哋介紹，原來係食米線㗎。餐廳環境幾清新，有啲竹林風🎋。可能因為新開，所以無太多食客好似我哋咁衝上嚟。午市餐牌暫時係定價$88嘅套餐，包一份前菜、主菜(湯底+麵食)同埋飲品。由於新開張嘅關係，套餐有8折優惠，即係$70.4，抵👍！第一款前菜我哋要咗傣族手撕鬼雞🐔，份量幾多喎，而且雞肉白雪雪，無乜下欄位。味道仲好特別添，酸酸地，食得出係落咗青檸🍋，非常惹味，店員介紹呢個係傣族特色嚟！另一款前菜係涼拌萵筍絲，萵筍就幾時都咁好食，口感爽脆，點煮都無得輸。涼拌醬汁帶點微微麻酸辣，好開胃🤤，另外仲有啲花生粒。主食嘅麵底可以揀七彩麵或者米線，我哋兩個人就可以試哂兩款。估唔到麵食係分開上的😮，兩款麵上碟時已經淥好，之後先放落熱湯到加熱。齋講麵呢份量就唔算多，細細碗。🍜米線係平日嗰種，無乜特別；而七彩麵其實得三隻色，不過口感唔錯，掛湯一流
呢日去開旺角Office開會，就順便去彌敦道726大廈搵食。唔知係咪疫情嘅影響，呢日竟然唔駛等笠😂。呢幢大廈一向多嘢食就係人都知，但好多間我都已經試過，喺大堂見到有個花牌寫住18樓有新餐廳開張，就做白老鼠試下。
新餐廳叫「雲魅」，即係食乜㗎呢🤔。無幾耐就有位年輕女店員同我哋介紹，原來係食米線㗎。
餐廳環境幾清新，有啲竹林風🎋。可能因為新開，所以無太多食客好似我哋咁衝上嚟。
午市餐牌暫時係定價$88嘅套餐，包一份前菜、主菜(湯底+麵食)同埋飲品。由於新開張嘅關係，套餐有8折優惠，即係$70.4，抵👍！
傣族手撕鬼雞
17 瀏覽
0 讚好
0 留言
涼拌萵筍絲
9 瀏覽
0 讚好
0 留言
主食嘅麵底可以揀七彩麵或者米線，我哋兩個人就可以試哂兩款。估唔到麵食係分開上的😮，兩款麵上碟時已經淥好，之後先放落熱湯到加熱。齋講麵呢份量就唔算多，細細碗。🍜米線係平日嗰種，無乜特別；而七彩麵其實得三隻色，不過口感唔錯，掛湯一流。
雲魅香辣湯
4 瀏覽
0 讚好
0 留言
雲魅蕃茄湯
6 瀏覽
0 讚好
0 留言
上菜上到咁上下先知呢到嘅米線其實好特別，好似打邊爐咁🍲。因為除咗麵底外，仲有一大堆餸同配料放落個好似巫婆鍋嘅湯底度。不過同麵條一樣，啲料係熟哂嘅，依個過程主要係為咗加熱啫～。
睇餐牌完全唔知仲有成堆配料囉，一上菜嘅時候我哋超驚喜😍，有咁多小碟猶如食緊韓國菜咁，非常繽紛🌈。
我本身睇餐牌心諗碗米線無肉食咁寡㗎，唔通個前菜就係餸？非也非也，每碗麵均配有幾片肥牛片🐮，下低就墊有生菜。
其他十款配料包括蘆筍、午餐肉、雪菜粒：
蟲草花、生鵪鶉蛋、炸醬：
炸腐皮、炸酥肉(最獨特)：
以及芫荽蔥同炸魚片。
凍紅棗木瓜冰粉
8 瀏覽
0 讚好
0 留言
總括嚟講，我真係從來冇諗過食米線都可以打卡😚，雖然係噱頭，但味道亦算唔錯；期待湯底改良後會減辣。餐廳似乎係由一家人經營，佢哋全部都勁好人，並主動幫我哋將個湯加熱，又問我哋意見，我相信用心經營一定會殺出條血路！
張貼
