HIKARI

今日喺荃灣行街行到有啲攰， 諗住搵間chill嘅餐廳食晚餐。 經過荃灣廣場隔離嘅一條食街， 見到呢間餐廳環境清幽， 就吸引咗我入去。店內嘅裝修行日式風情， 平實不奢華， 好啱同朋友一路食飯一路傾計。 餐牌主打西餐菜式， 有意粉，risotto, 小食同甜品等。 我哋就嗌咗幾款菜式：1） 黑松露豬腩雜菌意大利飯- 巨型既豬腩，啖啖肉， 每一口都充滿住香濃黑松露嘅味道， 好滿足2） 水蓮廣島蠔意粉- 有驚喜， 意粉有著濃濃嘅蠔香味， 每一條意粉都好掛汁，配上大大粒嘅蠔同水蓮， 好創新既食法3） 水牛城雞翼- 香脆可口， 外脆內軟， 醬汁放喺旁邊， 可控制辣度4） 黑芝麻鮮奶- 店員將飲品拉花， 好漂亮， 飲落去有濃鬱嘅芝麻味， 好暖心呢間舖頭除咗食之外， 每日夜晚仲有live唱歌表演， 滿足曬味蕾及聽覺！ 我同朋友都坐咗好耐。另外而家消費每300蚊， 即可兌換咖啡一杯， 下次同朋友行完街，順便可以去餐廳攞一杯😉