影片
更多
2020-01-04
432 瀏覽
一入到去俾佢摩洛哥風格嘅裝修吸引左，成間餐廳嘅佈置都好舒適，坐位好闊落！本身都驚呢間野得外表嘢食麻麻地，點知嘢食味道都唔錯！生菜包嘅肉碎味道都幾辣，食落去呢都幾惹味，比較特別嘅地方呢係佢除咗生菜之外仲有青瓜配搭，個人覺得青瓜都幾清新，隔離亦都配左幾塊好似蝦片嘅咋物，不過呢因為俾啲肉碎浸喺上面，所以令到蝦片變變到好淋。至於馬拉盞通菜方面呢，味道都正正常常，個人覺得馬拉盞嘅味道唔係好出，味道稍為淡左少少。仲有呢就係蛋包泰式金邊粉啦亦都配上一隻大蝦，唔單止賣相靚，味道都唔錯！泰式炸蝦餅嘅份量比我地想像之中多好多，總共有六塊，我哋四個人都食唔晒，炸物預咗呢都有少少油，不過呢都好香脆， 都算真材實料！最後呢，就係照燒牛柳粒意大利飯，意大利飯唔會話好太多醬太油膩。總括而言呢，呢間菜式唔單只係打卡嘅，食落去味道都唔錯但係呢唔會話好有驚喜，如果下次有朋友生日都會考慮再嚟呢度慶祝。
一入到去俾佢摩洛哥風格嘅裝修吸引左，成間餐廳嘅佈置都好舒適，坐位好闊落！本身都驚呢間野得外表嘢食麻麻地，點知嘢食味道都唔錯！
生菜包嘅肉碎味道都幾辣，食落去呢都幾惹味，比較特別嘅地方呢係佢除咗生菜之外仲有青瓜配搭，個人覺得青瓜都幾清新，隔離亦都配左幾塊好似蝦片嘅咋物，不過呢因為俾啲肉碎浸喺上面，所以令到蝦片變變到好淋。
至於馬拉盞通菜方面呢，味道都正正常常，個人覺得馬拉盞嘅味道唔係好出，味道稍為淡左少少。
仲有呢就係蛋包泰式金邊粉啦亦都配上一隻大蝦，唔單止賣相靚，味道都唔錯！
泰式炸蝦餅嘅份量比我地想像之中多好多，總共有六塊，我哋四個人都食唔晒，炸物預咗呢都有少少油，不過呢都好香脆， 都算真材實料！
最後呢，就係照燒牛柳粒意大利飯，意大利飯唔會話好太多醬太油膩。
總括而言呢，呢間菜式唔單只係打卡嘅，食落去味道都唔錯但係呢唔會話好有驚喜，如果下次有朋友生日都會考慮再嚟呢度慶祝。
張貼
