無老鍋

營業中

休息中

Happy Friday梗係要食餐好，同同事2個嚟無老鍋打個快邊爐。店員服務好好，詳細介紹鍋底同火鍋料。店內裝修新淨，富中國風設計感，都有不少遊客專程去打卡。鍋底：麵包豆腐白湯鍋，係雞湯底配上紅棗杞子等滋潤藥材，麵包豆腐類似蜂巢豆腐，吸晒湯汁又軟又綿。火鍋料：冰淇淋豆腐，真係似雪糕，要即刻落鍋，吃落味道特別又熟悉，口感真係有啲似雪糕。吊龍（期間限定），肉質豐滿濕潤，細緻嫩滑，火鍋必點部位。日本黑豚肩肉，肥瘦均稱，口感結實，肉味香濃。手工蝦滑（台灣直送），真係見到大粒大粒嘅鮮蝦，啖啖都係爽口彈牙嘅蝦肉，肉比滑更多。綜合菇，食左咁多肉類當然要食返啲菌類中和下。醬料站有特製火鍋豉油，仲有蒜水，呢樣係比較少見，有濃厚蒜味同埋少少醋味，好開胃。最後再送多個清新味蕾嘅水蜜桃沙冰，又爽又甜又refresh，下次要嚟試埋晚巿先得。