影片
更多
2020-09-03
1377 瀏覽
由於好朋友生日，我就請咗半日假同佢去銅鑼灣食個靚午餐。我哋揀選咗位於銅鑼灣名店坊嘅「Vivienne Westwood Café」，最適合港女嘅我哋😝。呢到環境真係幾唔錯，中間張長枱連埋個背景，好有氣派😎。另一邊箱，我最鍾意嘅係舖中間個大時鐘🕤，雖然佢係唔啱時間，但成個感覺真係好童話故事。我同朋友一人叫咗一個2-Course Set Lunch🍽，呢度所採用嘅餐具全部都印有招牌Logo同Pattern㗎！雲朵西多士配三文魚及沙律Cloud French Toast with Salmon and Salad，呢道菜嘅造型無得輸，件西多士一陣再講。伴碟嘅煙三文魚砌到成朵花咁🌹；而沙律菜亦算新鮮🥗。主角方面，上面用蛋白整嘅雲朵幾可愛☁️，好鬆軟，雖然食落就無乜味。下面嘅西多士非常厚身，係飽肚之選；而且最難得嘅係佢唔油，又無落花生醬🥜，啱哂我。煙肉太陽蛋班戟Savoury Pancakes with Egg and Bacon，同樣地佢亦係有啲沙律菜伴碟。咪以為🥞Pancakes就係甜品，呢道菜係鹹食嚟㗎！迷你班戟仔梅花間竹咁夾住煎蛋🍳、煙肉🥓同火腿，成個組合都算幾夾。蛋白雪山配招牌窩夫Egg
由於好朋友生日，我就請咗半日假同佢去銅鑼灣食個靚午餐。我哋揀選咗位於銅鑼灣名店坊嘅「Vivienne Westwood Café」，最適合港女嘅我哋😝。
呢到環境真係幾唔錯，中間張長枱連埋個背景，好有氣派😎。
另一邊箱，我最鍾意嘅係舖中間個大時鐘🕤，雖然佢係唔啱時間，但成個感覺真係好童話故事。
我同朋友一人叫咗一個2-Course Set Lunch🍽，呢度所採用嘅餐具全部都印有招牌Logo同Pattern㗎！
雲朵西多士配三文魚及沙律Cloud French Toast with Salmon and Salad，呢道菜嘅造型無得輸，件西多士一陣再講。伴碟嘅煙三文魚砌到成朵花咁🌹；而沙律菜亦算新鮮🥗。
主角方面，上面用蛋白整嘅雲朵幾可愛☁️，好鬆軟，雖然食落就無乜味。下面嘅西多士非常厚身，係飽肚之選；而且最難得嘅係佢唔油，又無落花生醬🥜，啱哂我。
煙肉太陽蛋班戟Savoury Pancakes with Egg and Bacon，同樣地佢亦係有啲沙律菜伴碟。咪以為🥞Pancakes就係甜品，呢道菜係鹹食嚟㗎！迷你班戟仔梅花間竹咁夾住煎蛋🍳、煙肉🥓同火腿，成個組合都算幾夾。
蛋白雪山配招牌窩夫Egg White Volcano with Orb Waffle($98)，我哋額外點咗呢份甜品為午餐作結。🏔蛋白雪山嘅賣相吸引，好高、好澎湃；雪山外再加大大塊招牌Logo形狀嘅窩夫，食落好鬆脆，一啲都唔硬。最外層係焗蛋白，啡色部份有少少燶味，而內層就係牛奶雪糕🍨。另外，雪山旁仲有唔少蜂巢脆脆加強甜味。
跟餐飲品我哋都係點咗🌸花茶Herb Tea(+$10)：薔薇華爾茲Sunrise Trip及玫瑰夢幻Rose Garden。咁啱兩款茶嘅色調都係紅色系，細細個茶杯仔🍵真係最啱慢慢坐低嘆茶傾偈。
總括嚟講，我都係第一次到訪時裝品牌旗下嘅Cafe，果然環境同食物賣相等方面都係好出色👍。我哋忍唔住係咁影相，例如用大罐砌成嘅牆壁好正，打卡一流。題外話，如果唔得閒坐低慢慢食嘅話，而家外賣自取都做緊八折優惠，不妨試試。
張貼
