Potluck Eatery

餐廳周圍都係打卡位👍🏼為咗打卡嘢入嚟，發現日頭入嚟打卡會比較好。餐牌上面最想食嘅係手搖海鮮盤，可惜已經賣晒🥺🥺🥺香煎法式鵝肝多士 $98多士香脆，鵝肝同多士嘅大細差唔多一樣，份量好足，而且煎得好香。滿口油脂配上頂層嘅水蜜桃，簡直係一絕。必食～脆炸魷魚柚子雜菜沙律$98柚子汁調味剛好，酸甜清新，沙律菜夠新鮮，魷魚炸得香脆。最驚喜係類似炸米紙嘅脆片，食完一塊又一塊完全停唔到口。白酒忌廉汁大蜆 $128白酒忌廉汁嘅忌廉味夠重，非常濃郁。蜆肉大粒無沙清甜。Set Dinner 南瓜湯超香濃順滑，非常足料。菠菜龍蝦蟹肉意粉卷 $318是日精選，上碟時覺得有點貴，因份量不多。但切開Lasagne時發現原來裏面有一大條龍蝦肉，被滿滿嘅蟹肉同菠菜碎包圍住，即是覺得好對得住呢個價錢。龍蝦肉鮮甜，爽口彈牙，整體味道融合調和得好好。必試～芝士蛋糕（跟餐送） & 朱古力千層蛋糕($48)兩款蛋糕都較為普通。涷棉花糖朱古力(+$12)係奶底，淳厚香滑，唔會過甜，好喝。但棉花糖味不太明顯。