影片
更多
2024-09-25
959 瀏覽
Royal Inn一入到Royal Inn, 就感受到一種皇家庭園嘅氣派，全因為佢門口有一座歐式噴水池，圍住綠色植物同藍色花花，超級吸睛，我哋叫完嘢食之後都忍唔住即刻去打卡。 餐廳裝修精緻，燭光大型水晶吊燈配合埋天花板鏡面反射，盡顯氣派。嘢食方面，我哋點咗「鮮海膽意粉伴10年海博瑞鱘魚子醬」。擺盤比Menu圖片更精緻，睇得出結合海鮮嘅鮮美同高檔食材嘅奢華感。金黃色嘅海膽有兩大塊，鮮甜冇苦味，柔滑完美，而魚子醬就為整道菜增添咗一層鹹香嘅鮮味，細膩微妙嘅海水味同鮮製意粉嘅質感形成咗絕妙嘅襯搭，簡直令人難以忘懷。另外，我哋叫咗「意式甜椒蕃茄燴魚柳伴蕃紅花忌廉汁」。賣相色彩鮮豔，新鮮蕃茄嘅紅、抱子甘藍菜嘅綠、香煎魚柳嘅雪白、忌廉汁嘅金黃、酸洋蔥同炸蓮藕片嘅橙相映成趣。整體擺盤精緻，讓人一睇就食指大動。魚柳質地柔嫩，煎煮後仍然能夠保留魚肉嘅鮮美同彈性，與甜椒、蕃茄、酸洋蔥嘅搭配相得益彰。蕃紅花忌廉汁則為整體帶來柔和嘅奶香同獨特嘅香料氣息，恰到好處的調味使到魚柳增添咗豐富嘅層次感，每一啖都有愉悅的味覺體驗。
一入到Royal Inn, 就感受到一種皇家庭園嘅氣派，全因為佢門口有一座歐式噴水池，圍住綠色植物同藍色花花，超級吸睛，我哋叫完嘢食之後都忍唔住即刻去打卡。 餐廳裝修精緻，燭光大型水晶吊燈配合埋天花板鏡面反射，盡顯氣派。
嘢食方面，我哋點咗「鮮海膽意粉伴10年海博瑞鱘魚子醬」。擺盤比Menu圖片更精緻，睇得出結合海鮮嘅鮮美同高檔食材嘅奢華感。金黃色嘅海膽有兩大塊，鮮甜冇苦味，柔滑完美，而魚子醬就為整道菜增添咗一層鹹香嘅鮮味，細膩微妙嘅海水味同鮮製意粉嘅質感形成咗絕妙嘅襯搭，簡直令人難以忘懷。
另外，我哋叫咗「意式甜椒蕃茄燴魚柳伴蕃紅花忌廉汁」。賣相色彩鮮豔，新鮮蕃茄嘅紅、抱子甘藍菜嘅綠、香煎魚柳嘅雪白、忌廉汁嘅金黃、酸洋蔥同炸蓮藕片嘅橙相映成趣。整體擺盤精緻，讓人一睇就食指大動。
魚柳質地柔嫩，煎煮後仍然能夠保留魚肉嘅鮮美同彈性，與甜椒、蕃茄、酸洋蔥嘅搭配相得益彰。蕃紅花忌廉汁則為整體帶來柔和嘅奶香同獨特嘅香料氣息，恰到好處的調味使到魚柳增添咗豐富嘅層次感，每一啖都有愉悅的味覺體驗。
張貼
