銀河牛腩牛雜粉麵 (已搬遷) 新店位置

依間餐廳嘅牛腩真係好味到唔話得事，搞到我每個禮拜都至少要食一次，食過就完全唔想依其他地方嘅牛腩！牛腩好軟，而且一食就知炆得好夠火候，好入味，啲肉汁散哂出黎，我見到師父會間唔中將炆牛腩用嘅汁淋落去牛腩度，令到牛腩冇時冇刻都鎖住肉汁。不得不提佢嘅牛腩湯，好香，同埋啲麵一齊食好正。碗麵好大碗，牛腩好多，份量夠足！雖然店面睇落比較簡陋，但係因為佢係小本經營，所以都可以體諒，而且老闆娘同埋員工都好親切，所以抵番哂。