番尋味

營業中

休息中

觀塘工廠林立，美食無數，工廈餐廳更成為打工仔恩物。捐窿捐罅先知原來工業區開聯工業中心有間開咗接近20年嘅茶餐廳——番尋味。餐廳無論早餐、午餐定下午茶都有唔少選擇，粥粉麵飯樣樣齊，牛奶麥皮、特色漢堡包、小窩米線、泡飯、咖喱……真喺數都數唔晒，重點喺價錢非常平民化。芝士牛肉漢堡牛肉好juicy好香，牛肉濃郁，咬落去啖啖肉!紅豆西多士麵包炸至酥脆挺身，淋上牛油和煉奶後鹹甜搭配相宜，一口咬落去，啖啖紅豆美味無比。黑椒汁鷄扒拼豬扒意粉意粉份量好夠，配上黑椒汁，十分惹味！啖啖嫩滑雞扒伴以煎香豬扒，一道意粉嘗盡兩款肉類，雙重味覺享受。上湯菜瞻雲吞鷄配白飯這道湯菜味道鮮美，紹菜吸收了火腿、雞肉的精華，白色雞湯湯底、軟嫩雞肉與豐滿雲吞建構美味佳餚。