鮮入圍煮 (已搬遷) 新店位置

之前有朋友提議過嚟呢間打邊爐聚舊，因為時間唔啱就唔到: 一係就太早，一係就太夜。所以放棄咗，今次時間夾得啱就嚟一次。首先牆身有九龍皇帝寫毛筆字；環境係一個乾淨的街市，有得即劏海鮮； 同時又充滿大排檔地踎的風味。醬料簡而精， 由於食物夠鮮，所以醬料唔係重點。濃厚原隻雞煲花膠湯(小)有成隻雞，雞肉好嫩滑，有好多塊花膠，花膠吸曬啲雞湯好入味。西班牙豬腩肉就算淥超過十秒，啲肉都唔會韌。皇帝菜新鮮，同花膠的味道好夾。爆炸薑汁皮蛋貢丸入面有薑同皮蛋粒，咬一口，湯汁略略流出唔會燙親個口，又食到皮蛋薑味。鮮腐竹滾幾滾，腐竹就腍。土耳其果汁汽水分別叫咗蘋果同埋檸檬味，但係我比較鍾意蘋果味多啲， 檸檬比較濃，蘋果清香，有氣，似飲緊冇酒精氣酒。