滾得棧 (已結業)

平時食開嘅雞煲都好濃味熱氣啲，但今次去到滾得棧呢個八寶袋雞煲好補又養生呢！店員倒上熬左好耐嘅雞湯，邊倒邊散發雞湯嘅香氣，真係令人流晒口水！等佢滾左就可以食內裡嘅寶物～有松茸、竹笙、蟲草花同埋半隻雞，超豐富呢！腐竹好薄滑，金華火腿味好出～愈煲愈濃香！牛頸脊涮一陣就食得，牛味愈嚼愈香。另外我更愛肉眼筋，筋位好爽口！佢地嘅餃子都好特別，好似梅菜豬肉餃咁～裡頭嘅餡真係十足十食緊梅菜豬肉餅咁！丸類嗌左象拔蚌丸、黑椒鮮牛丸，象拔蚌丸口感幾似墨魚丸，但好少見到火鍋店有，所以嗌嚟試下都唔錯嘅！黑椒鮮牛丸有令我幾驚喜，一咬幾juicy再加埋黑椒味幾過癮～海鮮點左珊瑚蚌，好爽脆～唔少得一啲邊爐必點嘅吸湯神器，枝竹啊金菇都係每次打邊爐都會點的項目呢！