元札幌拉麵 (宇晴軒商場) (已結業)

元拉麵一向都係屋企人食lunch選擇之一，因為佢拉麵套餐真係幾扺食。星期六放完工同屋企人食飯，行到去已經見到有人排隊，等左10幾分鐘先有位。因為做完野幾肚餓，我叫左68蚊午市套餐，有一碗元拉麵同一個迷你咖哩飯，份量好多同好扺食。元拉麵其實係味噌拉麵，有叉燒海帶等配料，拉麵湯底都幾濃郁，麵都幾爽口，我覺得係水準高既拉麵。迷你咖哩飯係正宗日式咖哩，唔辣偏甜，入面有薯仔洋蔥等等，鐘意食甜咖哩既人一定要食！