影片
更多
2021-01-02
2329 瀏覽
嫲嫲係越南華僑，之前食過一次錦麗，成日話好掛住錦麗嘅味道，適逢節日特別思故鄉，就帶佢嚟錦麗做節啦！我都超過一年冇黎，餐牌都唔同咗，選擇多咗。仲有個四人餐，有河粉、飲品、仲有幾款小食，價錢又唔貴，就叫呢個試吓。首先就係兩條錦麗米紙卷，將佢一開二，每人有一件，點少少魚露，清一清口腔同味蕾，之後就食較濃味嘅越南菜。全晚我最鍾意嘅就係呢個牛油蒜蓉雞翼，新鮮炸起，非常脆口，雞翼仍能保持肉汁，唔會炸到乾爭爭，非常好食！蔗蝦嘅蝦肉都彈牙，不錯！胡志明綜合粉材料包括有生牛肉、牛腩、牛丸，我尤其欣賞佢嘅牛丸，有爆汁嘅效果，可惜只有3件半粒，唔夠喉🤪走咗葱嘅綜合粉配料更清晰可見。生牛肉河粉配上九層塔，既簡單又清新。大蝦扎肉撈檬有兩隻蝦，扎肉切成條狀，味道都唔錯，配上青瓜絲、蘿蔔絲同炸蒜，加點魚露，味道不錯。越南品種嘅芽菜形狀同平時食開嘅唔同，呢款比較短身而且肥嘟嘟，感覺都幾得意。特飲都只係加$8，大大杯算係幾抵飲。呢個餐有主菜有小食都真係幾抵食嘅，不過我就覺得佢嘅牛肉湯底好似比以前遜色咗啲，印象中以前嘅湯底飲落相當驚艷，但今次嚟到就覺得味道比以前清淡，希望如果有機會再嚟嘅時候，可以飲得返從前嘅味道啦！
我都超過一年冇黎，餐牌都唔同咗，選擇多咗。仲有個四人餐，有河粉、飲品、仲有幾款小食，價錢又唔貴，就叫呢個試吓。
首先就係兩條錦麗米紙卷，將佢一開二，每人有一件，點少少魚露，清一清口腔同味蕾，之後就食較濃味嘅越南菜。
錦麗米紙卷
80 瀏覽
0 讚好
0 留言
法式蒜蓉牛油雞翼
81 瀏覽
0 讚好
0 留言
越式蔗蝦
46 瀏覽
0 讚好
0 留言
胡志明市綜合粉
38 瀏覽
0 讚好
0 留言
生牛肉河粉配上九層塔，既簡單又清新。
錦麗生牛肉粉
22 瀏覽
0 讚好
0 留言
大蝦扎肉撈檬
32 瀏覽
0 讚好
0 留言
馬拉盞醬怡保芽菜
21 瀏覽
0 讚好
0 留言
呢個餐有主菜有小食都真係幾抵食嘅，不過我就覺得佢嘅牛肉湯底好似比以前遜色咗啲，印象中以前嘅湯底飲落相當驚艷，但今次嚟到就覺得味道比以前清淡，希望如果有機會再嚟嘅時候，可以飲得返從前嘅味道啦！
張貼
