氷川菓屋 (已結業)

返工咁耐從來未試過搭錯巴士返屋企，而咁傻仔既事居然係今日發生🤦🏻‍♀️幸好搭錯個架巴士係出尖咀，如果唔係我真係😭😭😭不過傻人有傻福🤣，咁啱諗起自己一直想試既白桃沙冰就係附近，於是我就行去睇下自己會唔會連中兩次做傻仔🙈慶幸唔洗做傻仔咋，仲趕得切白桃季尾前一嚐滋味❤一入到店裏，其實地方好細，不過見到小店仲有得賣，立即先叫番杯降降溫，然後再繼續留意店家既用心裝潢～～～雖然地方小，但無阻店家對飲品及刨冰既細心製作～～～店主見我相機食先，仲好好心咁幫我執好d位置俾我影💕🙇🏻‍♀️桃控既朋友真心要試試li杯沙冰👍🏻桃香味十足之餘，冰粒唔會太大，最值得莫過於係沙冰上有半個新鮮香甜既白桃俾你食，等同你食咗成個白桃落肚😂真係值回票價❤