秀韓國餐館 (已結業)

上次過門而不得入，對侍應不瞅不睜態度感覺深刻。於是決定再次挑戰，究竟我有冇誤會佢...答案係....冇既! 待客之道絕對唔係劉華個套，但食物真係好好食，抵佢串得起!!前菜 - 6小碟但係其實得5種XD前菜5款炸年糕 -- 純粹見到openrice大家都食所以叫左一客，又幾好食，個底脆脆地，加上茄醬，小食算唔錯。Openrice上大家都擊節讚賞既牛肋骨當然要來一碟，4個人叫左兩條，原來都好多，好彩冇叫4條...牛肉好腍，蘿蔔好腍，冬菇都好腍 全部都入味，仲加送4條年糕(好少...) 好味!韓國餐廳指定動作 -- 炒粉絲。炒得乾爽，唔會油油膩膩咁，好食！但肉多過粉絲....我鍾意食粉絲多啲泡菜煎餅唔係間間餐廳都煮得好食，一係粉多，一係油多，一係兩樣都多 = = 但依件餅真係驚喜，泡菜好多唔孤寒，唔會好油，煎得好香！部隊鍋，係香港真係冇食過一間係好食既，終於「我找到了！」料好足，平時食開都稀到爆得啲湯，可能因為佢用淺既鍋，所以啲料真係洶湧澎湃，食到見底!!