鍋心粥底火鍋 (積存街) (已結業)

好耐無食過粥底火鍋，尋晚約朋友食飯黎左大圍呢間窩心食。價錢唔算特別貴，合理又食得飽就ok。首先佢呢度有提供海鮮，例如有蟶子，花甲，海蝦等等，可以自己選擇。見到佢menu有蟹又有鮑魚，我地2樣都有點，畢竟唔係度度都有蟹食。店員話一開始食就要食左海鮮先，之後先開始煮配菜。配菜唔太多講，都係平時有得點既餸。開頭以為呢度提供既海鮮都係不過不失既質素，點知食落原來都有驚喜。海鮮好新鮮，食落唔會覺得d肉會梅。如果想食粥底火鍋就推介黎呢間!