花朝軒 (已結業)

以為係西貢食海鮮餐一定會好貴，朋友介紹呢一間花朝軒，鋪面唔算好大，但係裝修得都幾得體幾靚，而且價錢在西貢來講實在算係非常之便宜。二人餐都只係$600 ， 已經包括幾款海鮮，有龍蝦、有蒸魚、有大蝦、有帶子，真係超級抵食。而且全部海鮮都非常新鮮，龍蝦肉厚、鮮甜、爽囗，蒸海魚嘅火候拿捏得啱啱好非常嫩滑，豉油王大蝦亦都非常入味，蒜蓉粉絲蒸帶子大大隻好好食。 另外一定要讚下個炒飯，加咗日本櫻花蝦，口感脆脆的特別好吃。