蝦立方休閒娛樂釣蝦場

營業中

休息中

今次寫寫一個又適合一家大細，又適合情侶，又適合一個人消磨時間嘅好地點。有個朋友去過好多釣蝦場，最後尾推介呢一個俾我。原因係，不只係鬧市之中一個好地點，最緊要係好容易就已經有蝦上釣！對於我哋，又想有收穫，又想過癮嘅。。。完全係perfect! 最緊要係舒舒服服，有冷氣嘆住來玩。又有歌聽。我個friend話，佢兩個人去，一個鐘頭可以釣到九隻蝦。估唔到，我哋第一次去，一個鐘頭，兩個人釣到一共13隻！太過癮！如果未試過釣蝦嘅，唔緊要。。釣蝦場嘅女服務員非常之好，非常之有耐心咁樣教你點樣釣蝦。。上釣之後，又好好咁樣講解折蝦。 釣完之後，價錢已經包埋煮！今次揀咗鹽燒，非常好味！真係新鮮煮！食落蝦肉彈牙，又有蝦味！正！ 同時要讚一讚，負責廚房嗰位哥哥仔，燒蝦非常之有愛心，佢會先將蝦蘇、蝦腳剪咗。賣相非常得！如果呢度可以有埋其他嘢食，例如出前一丁，餐蛋麵之類，多啲嘢飲選擇，咁就Perfect喇！去之前，記得打電話book釣蝦干。