樂天皇朝 (利舞臺廣場) (已搬遷) 新店位置

提起樂天王朝，相信最出名嘅都係呢間，就喺銅鑼灣時代廣場隔離，位於利舞台樓上嘅分店，我諗好多人都有去過。佢出名嘅地方唔單只係嘢食嘅高質素，仲有佢店內嘅裝修，都係令人讚不絕口嘅，因為佢鋪頭嘅中央有一個小型嘅人造水池，氣氛一流，每次嚟到都覺得好不可思議🤣🤣之前已經試過呢度最出名嘅小籠包，所以今次我哋主打會係佢其他嘅上海小菜！雖然我地得兩個人食，但係真係好貪心咁嗌左好多一直好想試嘅小菜🙊全部都係清淡不油不膩！ 前菜嗌咗必食嘅上海生煎包，包餡肉汁超多，外表亦煎得香口，必食！仲叫咗碗鮮蝦雲吞豬骨湯，雲吞都係師傅自己包，不過皮就厚左少少，湯亦都清甜。揚州糟溜滑魚片，魚片份量好多，每一舊都好彈牙，唔會一夾就散，芡汁都打得幾好，好有住家菜既感覺！宮保腰果雞丁，竟然炒得好似大排檔一樣咁有鑊氣香口，雞丁帶微辣，好惹味開胃，叫咗碗白飯送，正呀！蒜蓉清炒菠菜，雖然菜式普通，但係勝在才夠新鮮，好清甜，食完咁多肉，清下腸胃中和返☺其實仲有兩個主食，一個就係雪菜鹹肉炒年糕，雪菜一向係調味嘅至愛，配上年糕清淡得來帶點金華火腿既香口。另外就係開洋蔥油拌拉麵，呢個都係出名嘅，簡單嘅蔥油拌麵，竟然可以令到我哋食唔停，真係唔簡