三橋一品日本料理 (已結業)

今日去開瀝源邨做嘢 ，竟然係下午時段有得開個小差， 於是乎幾個同事周圍搵嘢食， 然後畀呢間嘢門口嘅招牌吸引住 ，估唔到沙田都有放題 。不過 ，今日唔係放題，而係食佢嘅下午茶餐， 我叫咗個手握壽司配拉麵 ， 等咗一陣， 先黎個拉麵 ，望落去幾大碗喎， 同埋都幾香， 食落去啲麵條同其他地方有少少分別 ，佢冇咁彈牙， 有啲腍， 但係面身滑。 湯底好濃郁， 係麵豉湯底 ，上面仲有啲粟米 ，同埋紫菜。壽司有六件，雖然體積有點兒細小， 但係下午茶都差唔多啦， 刺身係新鮮嘅 ，飯就好彈牙。下次要嚟試佢個放題