三橋一品日本料理 (已結業)

之前呢間係食放題，價錢又唔係平客又唔多所以經過打死唔簡食佢，最近經過發現轉咗做單點既日式料理店，所以就想試下喇，試完發現勁正勁好食鰻魚飯😍仲有日式火鍋極級正鰻魚飯，係我食過最正既鰻魚法，鰻魚控表示超值超抵，一百蚊內勁大兜，勁大條鰻魚，入面炒飯好香用珍珠米好干爽，仲有勁多鰻魚粒😍😍痴線嫁，第一次食咁多鰻魚既鰻魚飯😍😍日式火鍋好似70蚊左右，用稻庭烏冬，不過不失我一定會再食多幾次個鰻魚飯係佢未俾人發現之前🤣🤣

和朋友行街後見到人派傳戰來試下，係屋村商場內的放題，地方不大，一般日式料理餐廳的裝修。價錢平，佢做優惠有88折，本身唔會有好大期望，一般大路的放題質素，刺身有d細舊，個火炙三文魚好味。煮帶子中規中矩，牛肉粒有d乾，熟食反而做得好食d，炸野熱騰騰，天乎羅真係熱身先好食，估唔到個牛鍋係邊爐形式上，都幾得意，味道ok。最唔得係個蟹籽沙律，沙律醬好少青瓜絲好乾，如果多d沙律醬就好了。要平食放題過下口癮可以考慮。

order 咗一碗汁燒元貝烏冬 (要味噌湯底)元貝超細粒 (但我也不介意), 飲落第一口湯感覺是重口味的豬骨湯, 查問過女店員, 她說真的是味噌湯底, 我家人都每人試一口, 都只覺得是充滿味精的豬骨湯味, 就算有味噌在內, 都只是極輕輕...輕微, 烏冬都算唔錯, 但吃完勁口渴, 十分失望! 好在家人 order了 Q版什錦角切魚生飯 (忘記拍照), 大家 share 吃, 打救了我, 相比會好食好多, 否則一定會全程冇心情吃 .

今日和朋友往三橋一品日本料理食放題慶中秋, 由於朋友早訂座有泰汁海虎蝦, 蝦味道咬落尚算新鮮彈牙；之後我們點了刺身, 有三文魚, 馬刀貝、希靈魚、劍魚腩和小柱貝, 三文魚, 希靈魚和小柱貝食落新鮮爽口, 但馬刀貝和劍魚腩有少少硬, 口感一般, 由於刺身的冰熔得好快, 我們食剩少許馬刀貝和劍魚腩想職員收走, 可惜職員說我們浪費食物, 要收$28元100克, 之後我們和經理傾談後, 職員才肯收走, 其實我們並不是浪費食物, 希望餐廳改善；火炙壽司我們點了火炙鰻魚壽司和火炙蟹棒壽司, 前者食落惹味爽口, 後者蟹棒食落彈牙；壽司點了帶子壽司好鮮甜, 值得一試；一品料理我們點了蒜香炒銀牙, 野菌炒雜菜、牛油焗帶子和清酒煮蜆, 蒜香炒銀牙銀牙爽口好有蒜蓉香味；野菌炒雜菜菜和野菌食落爽口鮮甜；牛油焗帶子帶子食落好鮮甜彈牙, 牛油味香濃；清酒煮蜆, 蜆食落新鮮, 清酒味濃, 唯獨有大半碟蜆是未開蓋的, 之後叫職員收走, 可惜職員又話浪費食物, 最後和經理交談說蜆未開口食不到才幫我們拿走剩下的蜆, 餐廳服務要改善一下；炸物我們點了吉列蝦, 蟹鉗、魷魚圈、韓式炸雞、鰻魚天婦羅、炸蝦天婦羅、南瓜天婦羅和蟹棒

Terrible supposedly 2 hours of unlimited food for 188. Firstly it ain't cheap $188, for poor service 1 can of soft drink per person! Also slow service so that is why the time limit is 2hours cause the waiting time for the food is like freaking decades. Overall poor service, expensive, and wait... what! You freaking need to pay 28 dollars for 100g of left over. Ok I get it less left overs less environmental impact, but it still doesn't need to be $28/100g! I paid $56 extra for the little pieces o

心血來潮，四個損友特然想食放題，但大家又唔想出九龍，我地D新界仔出城唔係個個願，左睇左揀，就抱住價平，是旦滿足到要求就算的心態入去試一次。結果發現有喜出望外的收獲，樣樣質量都唔差，部分仲好好味，出來的買相又幾色香味俱全。佢地D壽司好超正，件件都好飽滿又新鮮，火炙三文魚壽司，肉質鮮甜，經火燒過後味道更香，真係好食過好多迴轉壽司店。今次我地主要都係食壽司同刺身，整體款款都非常有水準，生物亦都好新鮮，種類亦好多，我地四條友仔都瘋狂食左好多轉，絶對滿足都我地想食放題的要求，仲要每人都係188元，我地又多個搵食的地方

三五知己一齊食飯，要合各人心水，搵食都唔係易事，食日本放題其實係唔錯的選擇，食物多元化，又比較食自助餐便宜得多！所以每隔一段時間我地都會去下唔同既放題試下。今次去妮間，地區唔係太方便各人，但其中一個朋友同屋企人試過話唔錯，仲極力推介，所以大家就入左沙田食喇！老實說，店內的環境和食物無乜太大驚喜，但價錢真係抵，食物款式都叫多選擇，刺身約有十多種，主打三文魚、馬刀貝丶劍魚腩、甜蝦、希靈魚等等，上碟賣相專業，味道也十分新鮮。只係食到中段，客人較多時，上菜速度開始減慢，攻略係頭輪要多叫壽司及魚生，可能人手不足的關係，要食住熟食等生食！除了魚生，小食都有好多種類，適合不同口味人士嘅需要！總括而言，我對朋友的推介沒有失望，每人只係需付百幾蚊，就有一餐合理同合格的放題，個個都話冇介紹錯！

上星期我朋友會日，因為朋友住沙田，我地一班好姊姐就她响沙田食放題，就俾我發現左一間屋村小店，價錢合理，每人不需兩百元的日式放題，當然啦如果要同尖沙咀的「乜乜屋」俾，一定有分別，但價錢及質量加上佢地D務服太態，已經算合格之上，所以在此推介一下，本人住大埔，多個搵食的好地方了。介紹一下食物，我地一坐底，即叫了刺身，上菜速度好快，三文魚係厚食落去好新鮮，我最鍾意就油甘魚刺身，因為佢新鮮得來又唔會好腥食落去還有鮮甜。除了刺身之外，天婦羅也不錯當中個炸虾上枱時仲係熱辣辣，燒物亦有驚喜特別是雞硬骨串及雞翼串，帶有炭燒的香，澆上七味粉同吃，可接二連三多吃幾串。本身我個朋友係長期客戶，佢就推介我一定要食榴槤炸彈，外脆內沙心，仲有好香的榴槤味，原來熱食榴槤係咁香甜，這個一定要試。由於刺身太好食的關係，我地叫左好多轉，餐牌上仲好好多食物，我地都無機會試，我見到隔離枱食牛氣鍋，可以加烏冬及肥牛，帶小朋友去這個煱就最適合。小店雖然沒有高級的雪糕，但有牛奶公司雪糕任食，最驚喜的事，有紅豆味，搞到我飽住個肚的情況下都吃了兩杯。 總之全晚都好滿意啦，而且佢員工都非常有禮貌，食物都好快送上又無漏單。我會俾佢八十分。

從前的我去食曰本餐鍾意食熟就多個生，但係近呢兩年受朋友嘅影響，漸漸對魚生開始接受，仲識食左添！所以我揀放題多數都係揀些中位價錢嘅去食，今次呢間就啱我呢啲半愛吃魚生嘅人！這間最吸引嘅係收費，每人百幾蚊就有交易，我啲朋友就不停叫咗好多刺身，叫完一盤又一盤，佢哋啲刺身仲切得好靚同新鮮，自上次朋友介紹，我仲戀想愛上食希靈魚，今次食七至八件！星期一至四，七時候入席，每位＄188，任食兩小時，呢個價錢都叫好抵食，等位時間又唔長，起碼唔使好以九龍區個D響門口要等一兩個鐘頭，先食得果一兩個鐘頭呀！

兩個人食就最抵這是已經係N次來支持這間放題，今次點解特別推介，係因為佢哋做緊88折，兩個人去食，三百元落樓，去食迴轉壽司（未包魚生）都要啦！耐唔耐放縱一下，可以食到肚飽飽，荷包又唔會點傷。如果你哋係特別愛吃刺身，你哋可以落單時，兩個人，就寫三份，分量出嚟會多啲，又唔使等多一轉，如果大食嘅，可以寫到4份添啊！當然就係要食得晒先好寫啦！我係捧場客，食咗幾年，刺身新鮮可放心，佢哋嘅種類都叫做多，樣樣都唔錯，唔多講啦自己睇相啦！缺點係每次食都人手唔多夠，成日擺到成張枱都係碟，都未有人收！

一間平平無奇的小店,在外觀看來,看不出驚喜,只係朋友的邀請,就來一試,我朋友話這小店價錢合理,食物款式又多,近近地其實唔錯咁話,我地師奶聚餐就泥左LE到啦。其實又真係抵食,汽水啤酒任飲都只係$178,如果早的入席,仲可以平20元。每個時段大約食兩小時,我地就選擇了八時入席,但我地一早打來訂位,就有泰汁海虎虾送,咁又再抵D啦...哈哈哈總括泥講,刺身夠新鮮,款式亦算多,以這個價錢有如此質品,又真係合格兼攞讚。我地個日掛住傾都無乜點影相,下次去一定影多D相,再放出來同大家分享。

雖然我住在沙田，今次都係第二次食lee間放題，大約相隔兩年，今次專乘再試一次，今次我一行12人，為回來香港過暑假的姨媽洗塵，我早一個星期前book枱，才發現12人可以有vip房，可以自成一角，又唔錯喎！原來全店只有一間part房，十位以上就可以訂！我地埋單約2000蚊，一圍人，食大排檔都唔止lee個價錢啦！至於食物方面，比兩年前大有進步，刺身種類尚算可以，最緊要夠新鮮，成人收費＄188，淨係食魚生同壽司都抵番喺度啦！埋單時仲做緊優惠，每位仲有88折。話時話，佢哋啲燒物都好食，姨媽就最鍾意食佢啲燒冬菇和燒雞翼，我就至like雞軟骨，今次已經問定經理攞卡片，下次屋企聚會，一定會再encore。

今日同朋友慶祝生日, 去左屋邨呢間＂三橋＂放題, 每位$188，重有88折, 正!!其實一食放題或自助餐，我地通常都蝕底，因為我地幾個女人，掛住傾，雞仔胃，又有小朋友、姐姐，食唔到幾多野。首先一開始就即刻點了刺身，三文魚、八爪魚、甜蝦、帶子，中規中矩，同一般放題餐廳差不多啦~ 跟着壽司，炸物等等...... 要推介海蝦天婦羅及蟹棒天婦羅 (熱熱上枱)又香又脆口！總括嚟講，屋邨呢間＂三橋＂放題真係一洗我對放題嘅黑暗歷史啊，原來屋邨放題都可以做得咁好，又唔會漏單，嘢食種類又算多，不枉平日都有好多個客人，星期五、六要訂位tim ar，真係好正啊！大家不妨去試一試，價錢又親民，服務態度都好好！正呀！

有日去朋友屋企幫手整啲野，整完朋友就話知我鍾意食刺身壽司，已經訂左位，就係佢屋企附近食放題，就係咁就去左呢間三橋試下喇。可能我地早去，6點鐘左右唔係太多客，坐得都幾舒服，唔使坐得好迫第一樣就緊係試下啲壽司同刺身啦，款式唔算多，但係都幾新鮮，三文魚夠肥，柱貝都幾鮮味，壽司就叫左小小試下，唔想食咁多飯影響戰鬥力，都唔錯，唔會太酸，師父又練得好實淨，唔似回轉壽司果啲咁一夾就散晒，仲有個訂枱先有得送既泰式生蝦刺身，配埋個汁真心唔錯。之後到熟食，串燒炸物，普通中上咁啦，串燒都冇話燒到乾晒柴皮咁，係個燒海蝦唔錯，啲肉好實，唔係用啲死左好耐既蝦。另外要讚既係佢地啲服務幾好，好細心話我地知落單要寫枱號，飲品係邊到拎，仲有問我地個位冷氣會唔會太勁，因為我地有女仔同小朋友，呢下真係warm。下次入開沙田既話我都會再去食

話說旺角有座大廈出名食放題,其質素遠近馳名。估唔到係沙田都有質素有過之而無不及的放題餐廳~三橋一品~雖然呢間野開左好耐,但一直都無機會食,因為無咩朋友會特登去沙田食放題。難得今晚有當區住的朋友約食飯,仲想食刺身,所以決定去試一試佢我地一行三人7點半到,係佢最貴果個時段,188加一食兩句鐘。曾經諗過等到8點半食178加一,但友人話等一句鐘先平11蚊,就一言驚醒洛克人,感覺無咩著數。食放題一定要快夾狼,一坐底就一口氣劃左超多野食最先黎嘅唔係刺身or前菜,而係天婦羅呢份野唔錯,當中有我從未食過的鰻魚天婦羅,估佢唔到又幾夾喎唔知係唔係忙的關係(雖然果時得果4,5枱客), 一開始係無拎天婦羅汁黎嘅。 同埋天婦羅無蘿蔔蓉跟上,呢度就扣d分啦！跟著好快上一堆著食,呢個牛肉粒流流地,肉質水水地,又無咩味牛油粟米就真係有牛油,可惜唔香,個粟米都有番gum上下年份tim呢個有連鎖橙色牛肉飯店的味道,可惜可能銷售唔及多,牛係汁度游太耐了,質感變老了諗住簡單野,唔會中伏,點知....3粒入面得一粒正常,好彩就係我食果粒其餘兩粒友人食完都話“宿”×.× 好睇事後無肚痾。肥牛卷果然最正常,個汁又夠味,今晚重點en