上海萬家村小館

營業中

休息中

呢間既下午茶時間由兩點到六點，下午茶套餐有多款選擇，而且價錢平，份量大，完全唔係下午茶份量，好抵食。我同男朋友都係揀左麵點套餐，可自選小食同飲品。招牌豬扒配擔擔麵+手拍小青瓜+熱豆漿 $38擔擔麵重花生醬味，帶辣，唔錯。豬扒有四塊，炸到都叫脆口。手拍小青瓜爽口，都幾辣。熱豆漿偏甜。花雕醉雞上湯麵+生煎包+解綠茶 $50花雕醉雞有少少酒味，男朋友話唔夠濃，但份量多。生煎包有兩個，新鮮熱辣，唔錯。鍾意佢野飲有好多款揀，我揀左解綠茶。呢間食物水準普通，只係下午茶好抵食。