上海婆婆336 (荃新天地) (已結業)

今日放假一個人，訓醒之後都2點啦！買左咁多日外賣返屋企食咁今日就落去樓下食啦！見到上海婆婆入面都幾多客人食緊下午茶，咁就又試下啦！坐低望下個menu,都幾抵食，42蚊重包一杯豆漿，之後我就叫左個上海湯粗麵啦！等左無耐就有得食啦！碗麵都算係幾大碗而且足料，有椰菜，白菜仔，冬菇同埋肉絲，粗麵食落去好有口感，而且麵質都好彈牙，味道就剛剛好，湯有水準，湯夠濃夠熱再加少少豆辦牆就完美啦！最後飲埋杯豆漿就埋單走人啦！