桂花小幸 (新都城中心) (已結業)

依家出去食嘢唔平，呢間餐廳假日都有下午茶、而且價錢相當親民！下午茶有$38至$55不等包飲品。▶️紅燒鹽酥雞排麵揀咗紅燒牛肉湯，轉米線湯底夠熱辣辣、少少辣辣地，味道夠濃郁、帶少少冰糖甜味。鹽酥雞扒夠大塊，唔會太咸雞肉都幾滑。▶️紅燒惹味牛腩麵揀咗紅燒牛肉湯。牛腩幾夠林，大大嚿。棉質都有咬口，不錯。▶️台式肉鬆蛋餅配地瓜薯條蛋餅充滿肉鬆餡，有蛋香。地瓜薯條唔算太脆，但係地瓜甜甜地。▶️豬手豬手非常入味、而且夠林，我覺得呢個幾好食😋▶️黑糖珍珠奶茶🧋黑糖味幾香，奶茶都幾甜，珍珠有咬口。▶️鐵觀音珍珠奶茶🧋奶味幾重，淡淡茶味～ 唔會太甜。