Pier 7 Cafe & Bar

今日臨時臨急約咗朋友來中環食飯，所以冇book枱，唯有去啲好少人去嘅地方。諗左一陣，醒起黎 pier 7 cafe n bar 食自助午餐。我一年都會來幾次，因為呢度真係walk in都有位架。不過係中環天星碼頭，未必人人覺得咁就腳。星期一至五，每一日都會有一種唔同的肉食，豬/牛/三文魚，其他主要就係配菜、沙律、意粉、餐湯，包一杯檸檬茶。款式唔多，但係勝在冇乜人， walk in 都有位，而且只係＄128。食物水準中等，服務都可以。