影片
更多
2023-12-14
313 瀏覽
難得放假，帶埋屋企人食個中菜午餐。呢間中菜位於尖沙咀韓國街附近。門口裝修相當得體。🐽話梅凍豬手 $48未食過話梅豬手，呢碟豬手份量十足。附上一碗話梅汁點豬手。豬手整得好爽口。話梅酸酸甜甜，食得好開胃。🥢瑤柱灌湯餃 $48灌湯餃好大隻，熱辣辣。用料十足，一筆起佢，啲餡就爆哂出黎，入邊有魚翅，花菇等等。上湯味道濃郁。🥟元貝帶子餃 $44元貝帶子餃亦係真材實料，除咗元貝同埋帶子，仲有好多隻大蝦，仲有芫茜吊味。鮮味無懈可擊。🦐脆皮金沙蝦腸 $48脆皮金沙蝦腸份量亦都好驚人。腸粉包住春卷。春卷入邊有極多彈牙嘅蝦肉。用咗紫椰菜非常健康。食得出師傅手勢，春卷雖然比腸粉包住，但依然非常脆口。🥣紅燒雞絲翅 $48紅燒雞絲翅，入邊有好多魚翅，非常足料。真係每啖都食到魚翅啊。🥢馬來炒貴刁 $80大大碟貴刁，食落有香口嘅咖喱味。配上適量嘅辣椒絲，惹味得來又唔會太辣。配料有大蝦唔叉燒，炒得非常均勻。真係眼闊肚窄，貴刁好大碟，兩個人完全食唔晒。最後打包咗。中菜廳除咗裝修整潔得體，仲有好多VIP房。非常適合私人聚會。員工服務一流，非常有禮。商務宴客，朋友聚會都非常適合。食物份量十足，食材新鮮上等，CP 值非常高。非
🐽話梅凍豬手 $48
未食過話梅豬手，呢碟豬手份量十足。附上一碗話梅汁點豬手。豬手整得好爽口。話梅酸酸甜甜，食得好開胃。
🥢瑤柱灌湯餃 $48
灌湯餃好大隻，熱辣辣。用料十足，一筆起佢，啲餡就爆哂出黎，入邊有魚翅，花菇等等。上湯味道濃郁。
🥟元貝帶子餃 $44
元貝帶子餃亦係真材實料，除咗元貝同埋帶子，仲有好多隻大蝦，仲有芫茜吊味。鮮味無懈可擊。
🦐脆皮金沙蝦腸 $48
脆皮金沙蝦腸份量亦都好驚人。腸粉包住春卷。春卷入邊有極多彈牙嘅蝦肉。用咗紫椰菜非常健康。食得出師傅手勢，春卷雖然比腸粉包住，但依然非常脆口。
🥣紅燒雞絲翅 $48
紅燒雞絲翅，入邊有好多魚翅，非常足料。真係每啖都食到魚翅啊。
🥢馬來炒貴刁 $80
大大碟貴刁，食落有香口嘅咖喱味。配上適量嘅辣椒絲，惹味得來又唔會太辣。配料有大蝦唔叉燒，炒得非常均勻。真係眼闊肚窄，貴刁好大碟，兩個人完全食唔晒。最後打包咗。
中菜廳除咗裝修整潔得體，仲有好多VIP房。非常適合私人聚會。員工服務一流，非常有禮。商務宴客，朋友聚會都非常適合。食物份量十足，食材新鮮上等，CP 值非常高。非常推薦大家去食。
張貼
