影片
更多
2010-10-29
18 瀏覽
爐端燒, 成日係日劇中見到一班同事放工後圍埋食下野, 飲下酒輕鬆下! 係香港都有唔少食爐端燒既店, 一串一串咁計錢, 而係傾下講下之間, 就好容易會見到成枱都係竹籤, 條數都幾come計...哈!見到飲食雜誌介紹呢間爐端燒放題, 即刻眼前一亮, 預先訂好位, 就係重陽節當日去試下先!地點 : 位於1881 Heritage既 蒲莆 (Busy Suzie)(由楊其龍開設!)環境都算幾開揚, 食客可以選擇坐吧枱, 同師傅作近距離接觸! 裝飾都幾新潮, 侍應生制服都幾in, 男女都要著leggings!由於同行有小童, 侍應生為我地預備左Order Table!呢張menu入面既食物, 可以任點任食! 我唔客氣啦, 即刻落order先............先黎前菜同沙律先.........味道唔錯! 燒廣島蠔, 味道就一般, 偏"水"同細隻左d!再黎就係燒鷄翼 (我鐘意食..........呢款真係好味, 皮脆肉嫩, 調味又香.....正), 鷄腎都唔錯! 再之下就係澳洲和牛(回本必食!!!)呢款係黑豚肉, 味道都幾香, 再之下係燒帶子, 呢個就一般啦!食完一輪肉類(其實仲有食燒海
見到飲食雜誌介紹呢間爐端燒放題, 即刻眼前一亮, 預先訂好位, 就係重陽節當日去試下先!
地點 : 位於1881 Heritage既 蒲莆 (Busy Suzie)(由楊其龍開設!)
環境都算幾開揚, 食客可以選擇坐吧枱, 同師傅作近距離接觸! 裝飾都幾新潮, 侍應生制服都幾in, 男女都要著leggings!
由於同行有小童, 侍應生為我地預備左Order Table!
呢張menu入面既食物, 可以任點任食! 我唔客氣啦, 即刻落order先............
先黎前菜同沙律先.........味道唔錯! 燒廣島蠔, 味道就一般, 偏"水"同細隻左d!
再黎就係燒鷄翼 (我鐘意食..........呢款真係好味, 皮脆肉嫩, 調味又香.....正), 鷄腎都唔錯! 再之下就係澳洲和牛(回本必食!!!)
呢款係黑豚肉, 味道都幾香, 再之下係燒帶子, 呢個就一般啦!
食完一輪肉類(其實仲有食燒海蝦, 魷魚, 日本烏冬, 蕎麥麵............唔記得影相!)
係時候試下天婦羅如何先? 日本蕃薯好香甜, 我地食完又食, d燒日本蔬菜都幾鮮嫩同甜, 中和一下先前既肥膩感!
每位客人仲送磯煑鮑魚一隻, 刺身同壽司tim.........
食到呢度, 我地已經好飽啦, 但一睇下個menu, d甜品種類都幾吸引, 點都要試下............哈!
呢個係日本柚子啫喱, 柚子味濃到爆, 又夠凍, 我都食左2客!
其餘仲有綠茶雪糕, 北海道牛奶布丁(呢個又係正到爆, 又香又滑!), 可惜掛住食唔記得影相.........
最後, 我地一行人, 抱住個大肚腩離開.................哈!
張貼