永珍越南菜館

營業中

休息中

人生最緊要係健康，耐唔耐去下法國醫院做body check，經過九龍城，快食一間越南野。我哋一行兩人買咗兩個午餐食，正常去到九龍城一定會想食泰國嘢，但因為我哋兩個星期後會去越南，所以很想試一試香港嘅越南河粉究竟同越南差幾遠。嚟到嘅生牛肉河都好有鮮味，啲牛肉係半成熟，但係經過啲湯滾下就好快熟，係有少少略鹹，但可以接受。奇怪嘅係跟餐嘅嘢飲只有港式奶茶沒有越式奶茶，令我覺得依間野都唔算太正宗。個飯就真係好一般，一碟普通嘅肉碎煎蛋飯，都係略鹹。總括來講，抵食，員工服務態度友善。