永珍越南菜館

營業中

休息中

這家面積不少的越南餐廳，街坊價錢，食物種類不少，而且食品質素不錯。伙記們友善地招呼，我朋友叫咗個炒檬粉，因為塞車，伙記話先用碟保溫，一陣間冷左，可以幫我再炒一炒👍🏻👍🏻

我嗰日喺九龍城搵嘢食嗰陣時，當我喺街度見到一間叫永珍越南食館嘅泰國菜，我即刻入去，叫過生牛河、軟殼蟹同埋海蜇芝麻雞🍴；碟生牛河好快就送過嚟，啲牛肉切成薄片，湯粉幼滑，湯底好有牛肉味，十分好食；至於軟殼蟹外脆內軟，十分重蝦味，配上酸酸甜甜的醬汁，令我食唔停口。碟海蜇芝麻雞好濃芝麻味，好開胃，碟裏的海蜇份量多，配蔬菜是增加口感，超好食！永珍呢度啲嘢好抵食同埋多選擇。一定會返嚟食同埋介紹比我身邊啲人😋。

是次食晚餐。見佢開咗咁耐。加埋食評應該都唔會差得去邊。點知中曬伏。叫左一個咖哩雞飯。一個冬陰功海鮮河粉。一個海蜇芝麻雞。一個泰式酸辣鳳找。佢老闆。第一個：請問咖哩係咖哩湯飯定係咖哩雞飯。成鑊水。無香味。一大陣雪雞味。第二個：冬陰功海鮮。個湯無香茅味。個湯似雞粉水加幾滴辣椒油既味道。完全唔知佢點冬點陰點功。第三個：海蜇芝麻雞。得一個味。得個甜字。油蔥酥唔明點解食落去係無味。第四個：哩個最過份。無酸味無甜味無辣味。唯一只有一個味。雪味鳳找既味。埋單$248蚊。絕對唔會再食。亦會通知身邊朋友

啱晒！今日行過一間店，叫永珍，試咗幾款菜，食得我笑口合不攏！🍴先講個海蜇伴芝麻雞，真係乎哂口味，清爽嘅海蜇夾住香濃嘅芝麻，好夾搭！芝麻味夠晒香，海蜇彈牙得嚟又唔會硬淨，真係正到滴！扎肉粉卷份量真係勁慷慨，厚切扎肉多肉多汁，同新鮮嘅香菜一嚟，爽口程度爆燈！粉卷嘅皮食落軟糯又帶點Q彈，好過嗲！🌿最後來個香辣炒粉皮，呢個係喜歡辣嘅朋友唔可以錯過！幅粉皮炒得又香又滑，辣味足夠挑戰味蕾，重點係辣得黎唔會蓋過原本嘅味道，食落係痛並快樂著呢！總括嚟講，永珍呢度嘅食物好抵食，份量足又美味！嗌飽肚食完唔夠，仲想打包啲嘢返屋企慢慢嗌，實行是九龍城嘅美食新發現！🍜

平時甚少嚟九龍城區，淨係知道呢度好多泰國菜隨便搵咗間泰國越南餐廳有午市餐牌，多選擇，包飲品▶️ 越式雞肉撈檬 ($55)當然食我至愛嘅撈檬呢度嘅雞肉唔係乾爭爭嘅手撕雞，而係一絲絲嘅海南雞肉質嫩滑啲帶啲油脂之餘又香啲🐔檬粉質感唔錯，唔會易爛易斷或太碎配上唔少花生碎、炸蒜、蔥油、醃蘿蔔絲、生菜🥬口感豐富撈檬汁有啲辣椒，酸甜中帶啲辛辣個人覺得偏鹹，所以唔需要落太多已經好夠味▶️ 凍奶茶叫咗少甜，甜度啱啱好可能比較多冰，味道偏淡只台式珍珠奶茶而唔係港式奶茶🧋-味道比想像中好，一開始睇佢OpenRice評價好似麻麻地，抱住試伏心態😅男朋友叫嘅扎肉炒粉絲雖然賣相核突啲，但幾有鑊氣，粉絲煙靭如果多啲配菜豐富啲會好啲服務唔錯，落單上菜快環境就差啲，比較殘舊星期六晏晝嚟都好多人，多為附近街坊可能因為價錢相對抵食大多侍應上咗年紀，應該因為呢間係九龍城舖有歷史

來到九龍城，除了可選擇泰國菜之外，今日選擇了另一菜式，食個越南午餐！餐廳環境寛敞，店員還安排我們2人坐4人卡位，店員們招呼服務尚可。是日選擇：越南生牛湯河牛肉切成薄片，嫩滑、易咀嚼。河粉吸收了湯底嘅風味，令每一口都充滿了牛肉的滋味。沙嗲豬肉湯河沙嗲味不夠突出，河粉吸收了湯汁，味道有點過濃，導致覺得有點鹹。豬肉熱菜蜜（跟餐）不會過甜，而且天氣凍冰冰，飲杯熱菜蜜，暖下胃都不錯。熱華田（跟餐）味道較普通，如可加多一點點，味道會更好。

永珍係趷立九龍城多年嘅越南菜館，餐廳好大好多座位，裝修咁多年都冇變，所以相對比較舊，燈光亦比較昏暗。牛肉撈檬喺夏天食啱哂，好清新，不過牛肉好碎，碎到就快變免治牛肉，不過醃得好香，食完成個口腔充斥住香料味。檬粉份量超多，而且生菜亦夠多，比例OK!海南雞飯相對質素平平，雞又鞋又冇味，全靠自己點醬汁，雞嘅份量夠多，飯更多，可惜唔太好食，食唔哂。另外仲要左個炒西蘭花，好香嘅魚露味，唔錯。整體性價別都可以，坐得又舒服。

永珍是寮國的首都, 和越南菜本身關係並不太大, 所以餐廳名字我也有點不明所以. 從裝修看起來, 它在九龍城的歷史不會太短, 午市套餐吸引到不少中學生來品嚐, 只因學生有額外的折扣, 人均四五十元的消費並不昂貴, 但我以前讀中學的時候, 每天零用錢二三十元就已經很豐盛, 時光飛逝, 和現在的中學生嘅也不知有多少個世代差距了.點了牛肉湯河和扎肉炒粉絲, 前者湯頭味道清甜正常, 配菜的白蘿蔔軟溶而沒渣, 這是最驚喜的部份. 牛肉細碎口感偏柴, 河粉幼細而沒有糊化. 後者扎肉有黑椒味, 層次比一般東南亞菜快餐豐富一點, 粉絲份量可以但質感較水潤, 結果是炒得不夠乾身, 有點黏在一起. 作為功能性的午餐還好, 但掛上越南餐廳的名字, 水準就要再加把勁了.Wing Chan Vietnam Restaurant provided variety Vietnamese dishes and her lunch is not expensive at all. The pho is nice in soup but the beef is a bit chewy while the fried ric

本人比較喜歡食越南野 所以好懷念窩打老道王者越南菜"李XX" 希望老闆能盡快找到地方 再說回這次的經歷 本身知道九龍城有好多越南菜 但好多都是混合了泰國菜 不知怎樣揀便走了去平台裡邊搜一搜有甚麼名字 本身挑了另外一家"金X越南菜" 但看了再看竟然發現了這個名字 這個經常經過也會看到的及也聽了好多 入去看看餐牌 不太懂看也不知怎樣 只知道他們紮根在九龍城已經好長時間 所以便不妨試一試......叫了一碗熟牛肉粉 一客春捲 一客炸春卷; 熟牛肉粉湯底不錯 味道偏淡一點 牛肉普通普通; 至於炸蝦餅 好肯定好過好多附近的泰國菜 以前那些泰國菜出品啲炸蝦餅非常好食 現在可能競爭激烈再加上疫情後 差了好多 這家的炸蝦餅真不錯 有咬口; 至於炸春捲 嘩! 同窩打老道王者嘅好接近 好食好食 各位兄弟姊妹們 一定要去試一試總括所有食品都可以 我會再試迄家其他食品 今早有點懷念昨晚的春捲 yummuy

咖哩冇辣味(又唔係日式)，又冇咖哩味，得椰味，仲係唔係咖哩呀？好油，仲咁濃椰漿味，好難食囉!食咗两啖即刻要先劣評佢，因為已經有D食唔落嘅感覺。牛腩就唔硬同唔肥，得一粒薯仔。有幾條唐生菜嗰喥夠搞笑。

本身用openrice都係睇野食冇諗過今次迫到我comment 💀叫左個青咖哩雞肉，啲雞肉係生既一咬入去粉紅色，仲舊都係生😫同佢講佢都好似做慣咁，話入去蒸多陣囉之後啲雞都係腥，最後我地淨係食左少少咖哩就算炒金邊粉又炒到一舊舊，仲有啲未熟。。。炒蜆又多沙😓最易整既豬頸肉又唔好食，好似蒸肉咁😥杯椰汁紅豆冰啲紅豆仲要係咸既🥶最最最緊要係！食完勁口渴懷疑落左味精😥 但啲野又唔好食真心唔推薦🤢🤢🤢🤢 又貴又唔好食

嚟到九龍城雖然事隔左差唔多年半，仍然好掛住。雖然中間自己都黎過九龍城街市食茶檔，唯獨係晚餐真係年幾冇響九龍城食過，今次朋友即興搵我食飯，提議去九龍城可以揼埋骨，佢比我揀食日本拉麵定係食泰國嘢，我揀咗後者（好似好耐冇食過泰國嘢啦）以前同男朋友都間中會喺九龍城食泰國嘢，比較食得多嗰間又執咗，諗住唔好咁麻煩就求其走咗入一間食，心唸應該都唔會差得去邊啦，話晒九龍城都有小泰國之稱😅結果都係普普通通。因為朋友夜晚唔係點食嘢，可能係就我啦，今次已經係算叫多咗，我哋兩個人叫咗一碗生牛河、一份春卷、一碟馬拉盞通菜、每人一杯野飲，係咁多啦！諗返起以前男朋友佢係會嗌到成枱都係食唔晒㗎，呢啲都係開心回憶。太耐冇食生牛河啦😋春卷就係因為我太為食，覺得好似好少嘢食咁，又鍾意食脆卜卜嘅嘢，所以未經朋友同意就叫咗啦！每次我叫呢種春卷食都會手忙腳亂，生菜包住春卷，加埋啲醬汁食到成手都係😳😜馬拉盞炒通菜就係朋友堅持叫嘅，懶健康囉😅其實我就覺得出街咁貴叫碟菜真係好晒錢🤣我叫咗例牌嘅椰青，朋友就叫咗杯椰汁冰。姐姐幫我地諗埋生牛河跟餐配椰青會抵啲👍🏻姐姐同我朋友打成一片，妙問妙答😥😉

參觀完宋皇臺站開放日， 梗係喺附近食返轉泰國菜。 但係屋企人想食火車頭河粉， 途經這間「永珍越南菜館」， 晚市套餐好似好抵食。😋九龍城區來說，餐廳 內籠算寬闊，三個人被安排坐六人卡座。阿姐服務唔錯有招乎， 坐低已放低熱水再清洗碗筷，仲有熱茶提供。火車頭越南河粉晚餐所有配料都係牛：有牛丸， 牛腩，牛筋，牛柏葉，牛舌。。 非常豐富，河粉幼滑， 不過份量唔算多。 還好唔會索曬啲湯 。湯底幾有牛肉味，唔算好咸 。冬陰功海鮮湯河晚餐同樣點了河粉，因為很想飲冬陰功湯～汤底係light 版的冬陰功湯， 唔會好辣，小朋友都吃到。魷魚好新鮮， 還有大蝦，青口， 蟹柳。加了一份小食「越南網卷」， 炸得鬆化， 裏面餡料應該係齋？ 有芋蓉， 味道唔錯。椰汁海底椰冰 （跟晚餐＋$12）椰汁香濃， 海底椰爽口， 炎炎夏日透心涼～港式奶茶，不過不失。

九龍城有不少泰國餐廳，我特別鍾情這間，因為它的小菜很夠鑊氣，等候食物的時候也聽到廚房裏面一邊炒菜火爐的聲音。而且小菜充滿泰國風味，品質也不錯的。蟹肉炒粉絲- 高度推介！我平時很喜歡吃炒粉絲，這個蟹肉炒粉絲是我每一次來到必叫的！蟹肉十分鮮甜，粉絲炒得乾爽亦都很鮮味，我想我自己一個也可以完成整碟。法式咖喱蟹包(細)- 咖喱香濃，配上法包所以不用吃白飯。麵包也弄得鬆脆，裏面軟綿綿的，蟹肉亦鮮甜，不過要弄掉蟹殼有點兒麻煩。賣相也很吸引。泰式柚子沙律- 柚子香甜，可以解辣，沙律內亦有很多乾蔥乾蒜片，重口味人士可以一試。青木瓜絲沙律- 我點了少辣，不過對我來說也是非常香辣，要喝很多水才解到辣味。青木瓜爽脆有口感，不錯。沙嗲串燒雞、牛- 沙嗲醬味道偏淡，牛肉燒得比較乾，雞肉保留多些肉汁。泰式炸蝦餅- 蝦餅炸得剛剛好，爽口彈牙，麵包糠很香脆，沾上泰式雞醬惹味可口。

唔好以為九龍城食東南亞嘢一定正。呢間真係好伏。.牛肉撈檬竟然可以整得咁難食。牛肉嘅口感係牛肉乾，咬落好乾身，但有少少甜甜地嘅肉汁走返出嚟。.如果同我講呢啲唔係牛肉乾，我反而唔會信。蔬菜真係比得太少喇，連炸蒜都冇，啖啖都係檬粉太寡。.普通嘅嘢煮得好食好難，但煮得咁難食其實都唔簡單☹️。