尋味美食

營業中

休息中

有一晚，約了朋友在荃灣吃晚飯，朋友架車泊了在荃灣廣場，於是在附近一帶搵嘢食，搵食期間，朋友收到一張傳單，於是就去看看有什麼食。嚟到呢間食店，細細間，但餐牌上嘅食物都啱食，我哋點了一個通菜炒牛肉同埋一個啫啫雞煲，味道非常唔錯，職員話白飯同餐湯唔夠可以再添，我哋最後都叫多咗一個白飯。雖然眼見職員做到冇停手，但係回應食客都好有禮貌。我朋友仲講笑咁問職員，話檸檬茶飲晒有冇得添飲？職員竟然回答如果你想要都可以俾你，最後我哋都冇叫，但感覺非常良好，試問今時今日咁嘅服務態度邊度搵？所以已經極力推介呢間小店俾住荃灣的朋友，有機會我哋都會再嚟食。