OPPA韓國燒肉店

營業中

休息中

呢一間燒肉喺旺角屹立好多年，而且價錢十分之抵，今日就約咗朋友過嚟食。一坐低店員就遞上前菜，有酸辣泡菜，爽脆大豆芽，爽甜蘿蔔，海帶等。生菜新鮮爽口，用黎包肉一齊食好正。和牛拼盤 呢個和牛拼盤好多人叫，入面有美國上肩胛肉，美國牛小排，美國下肩胛，日本A4上腦肉，牛肉眼，1++韓牛肉眼，澳洲和牛頸脊，澳洲和牛舌，種類好多，牛肉味道濃郁，牛肉入口幼嫩軟林，牛舌非常爽口。韓式海鮮湯海鮮份量多，大蝦爽口彈牙，泡菜酸辣開胃。原個菠蘿沙冰菠蘿香甜美味，好大杯飲極都仲有。