影片
更多
2023-07-25
31 瀏覽
#老川皇 (旺角)老川重係開左好耐嘅老字號川菜，營業到早上3點鐘。真係深夜食堂黎。$628 團購二人餐真係抵食包左好多嘢食。3個女仔食2人餐都夠。一斤桂花魚，可以揀水煮 / 酸菜 / 鮮花椒口味，今日想食水煮。魚片大小厚薄都適中，魚肉滑身無骨無腥味。叫咗中辣，色香味俱全。脆椒竹籬蝦 / 辣子雞 / 辣子肥腸 可以三選一我哋揀咗辣子雞，雞肉細細粒炸到好酥脆，但比較多骨食嘅時候要小心啲。大刀耳片 / 香辣脆腸 / 無骨鴨掌 / 口水雞例牌 可以四選一口水雞例牌，有啲似奇味雞，有蒜泥豆豉醬鋪滿係面，好惹味。涼拌萵筍絲 / 拍青瓜 / 小木耳 可以三選一最特別係涼拌萵筍絲個賣相好有承意，萵筍絲粗細不一，有唔同口感，好爽脆。紅糖糍粑 / 手抓餅 / 牛奶卷 可以三選一紅糖糍粑最解辣，都Q彈不過炸粉就厚左D空氣感比較重。白飯 / 粉麵 (擔擔麵 / 酸辣粉 / 米線 / 拉麵) 自選兩份份量好多，食唔哂可以考慮下叫少飯。擔擔麵就同認知中有落差，唔係花生醬濃湯，係清湯加好少花生味同一匙辣油。酸辣粉就正常酸辣粉。鮮果特飲兩杯特飲本身睇圖以為好伏好甜，但點知係相反。有鮮果香，甜度合適。
老川重係開左好耐嘅老字號川菜，營業到早上3點鐘。真係深夜食堂黎。
$628 團購二人餐真係抵食包左好多嘢食。3個女仔食2人餐都夠。
一斤桂花魚，可以揀水煮 / 酸菜 / 鮮花椒口味，今日想食水煮。魚片大小厚薄都適中，魚肉滑身無骨無腥味。叫咗中辣，色香味俱全。
脆椒竹籬蝦 / 辣子雞 / 辣子肥腸 可以三選一
我哋揀咗辣子雞，雞肉細細粒炸到好酥脆，但比較多骨食嘅時候要小心啲。
大刀耳片 / 香辣脆腸 / 無骨鴨掌 / 口水雞例牌 可以四選一
口水雞例牌，有啲似奇味雞，有蒜泥豆豉醬鋪滿係面，好惹味。
涼拌萵筍絲 / 拍青瓜 / 小木耳 可以三選一
最特別係涼拌萵筍絲個賣相好有承意，萵筍絲粗細不一，有唔同口感，好爽脆。
紅糖糍粑 / 手抓餅 / 牛奶卷 可以三選一
紅糖糍粑最解辣，都Q彈不過炸粉就厚左D空氣感比較重。
白飯 / 粉麵 (擔擔麵 / 酸辣粉 / 米線 / 拉麵) 自選兩份
份量好多，食唔哂可以考慮下叫少飯。擔擔麵就同認知中有落差，唔係花生醬濃湯，係清湯加好少花生味同一匙辣油。酸辣粉就正常酸辣粉。
鮮果特飲兩杯
特飲本身睇圖以為好伏好甜，但點知係相反。有鮮果香，甜度合適。
張貼
