影片
更多
2020-01-13
48 瀏覽
聽朋友講咗好耐依加連片皮鴨都有得任食！平時叫隻片皮鴨都要3百幾，呢加每位$268/$228就有得任食！而且仲有其他京菜任食！大部分野食都係放喺出面自己拎，另外仲會有張紙仔，主要係蒸點心/煎炸類同甜品，要入單，當然都係任叫！$268同$228分另在一開始會係蟲草花花膠雞湯+加拿大龍蝦/蟲草花花膠雞湯+虎蝦。所以每樣叫咗一個嚟試～第一件事當然係食片皮鴨！自己任揀鴨嘅部位，青瓜、京蔥、哈密瓜條都係任夾，無限定每塊餅皮只可夾一片鴨！餅皮有用火蒸煮，而且每塊都有紙格開，唔會痴住晒！片皮鴨一無就會有人即片～所以啲皮仲係脆，又好香口！任拎嘅有冷盤、小菜、粉麵等等⋯每樣拎少少試下！先食冷盤，醉蝦都有得任食，酒味唔會太重，蝦肉爽口，之後都再有拎。另外仲有涼拌茄子、木耳、青瓜、素鴨、口水雞、豆腐等等⋯味道都ok～小菜類都幾多，酸菜魚、水煮牛、東坡肉都有！亦有清淡啲嘅炒蝦仁、帶子、豆角等等⋯我最鍾意佢個梅子骨，酸酸甜甜開胃又好食！蒸點試咗糯米燒賣、小籠包。小籠包入面好多汁！皮都薄，唔錯！糯米燒賣都好食，不過都幾飽肚，所以1粒就夠！甜品都有好幾種，擂沙湯丸係芝麻湯丸再加啲粉上去，皮薄餡多！好食！麻花都炸得好鬆
大部分野食都係放喺出面自己拎，另外仲會有張紙仔，主要係蒸點心/煎炸類同甜品，要入單，當然都係任叫！
$268同$228分另在一開始會係蟲草花花膠雞湯+加拿大龍蝦/蟲草花花膠雞湯+虎蝦。所以每樣叫咗一個嚟試～
第一件事當然係食片皮鴨！自己任揀鴨嘅部位，青瓜、京蔥、哈密瓜條都係任夾，無限定每塊餅皮只可夾一片鴨！
餅皮有用火蒸煮，而且每塊都有紙格開，唔會痴住晒！片皮鴨一無就會有人即片～所以啲皮仲係脆，又好香口！
任拎嘅有冷盤、小菜、粉麵等等⋯每樣拎少少試下！先食冷盤，醉蝦都有得任食，酒味唔會太重，蝦肉爽口，之後都再有拎。另外仲有涼拌茄子、木耳、青瓜、素鴨、口水雞、豆腐等等⋯味道都ok～
小菜類都幾多，酸菜魚、水煮牛、東坡肉都有！亦有清淡啲嘅炒蝦仁、帶子、豆角等等⋯我最鍾意佢個梅子骨，酸酸甜甜開胃又好食！
蒸點試咗糯米燒賣、小籠包。小籠包入面好多汁！皮都薄，唔錯！糯米燒賣都好食，不過都幾飽肚，所以1粒就夠！
甜品都有好幾種，擂沙湯丸係芝麻湯丸再加啲粉上去，皮薄餡多！好食！麻花都炸得好鬆脆！另外仲有好傳統嘅高力豆沙同豆沙窩餅，同平時食嘅味道一樣～
一次過食到咁多京菜真係好滿足！
張貼
