娜多歐陸餐廳 (已結業)

因為同老公未食午餐,所以今餐叫咗四個下午茶餐,加兩個小食來食.整體來講,食物味道唔算特別好,但價值真係大眾化,個人感覺抵食過大家樂同大快活.講回味道方面:雞肉燒餅,雞肉嚡口,燒餅太韌,醬汁過鹹,唔係太好味.粟米汁芝士焗班球飯,汁底唔鹹,班球炸得脆口但有雪味.大島薄餅,配料唔算多,但味道偏鹹,餅底唔夠鬆脆,整體一般.野菌芝士汁焗菠菜雲吞,賣相唔好,成pat嘢,雲吞質感好粉好爛,味道嘛嘛.肉醬焗薯皮,肉醬過鹹,薯皮腍身唔脆口,唔係太好味.卡邦尼亞炒意粉,雖然配料唔多,得煙肉同雜菌,但白汁夠香滑,口感豐富,味道幾好.檸蜜同華田甜咗少少,咖啡太稀,唔滑唔香濃,餐飲味道一般.