華記小廚 (已搬遷) 新店位置

今日屋企冇煮到飯，唯有係附近搵間餐廳求其食就算。由於唔想諗同等，最後選擇左呢間，其實之前都有去過。果然去到唔洗等，可能今日係假期後第一日返工，所以人唔算多。一行三人最後叫左3個餸，咁啱都係3個煲第1個係薑葱魚腩煲，亦都係比較滿意嘅一個。薑葱好入味，連帶魚腩食落都好够風味，可以再試。第2樣係南乳粉絲節瓜煲，好可惜南乳味唔够出，平平無奇。至少第3個煲係荔芋雞煲，我期待嘅1樣，可惜敗筆係個雞度，完全同芋係唔夾，不會再試。總結只可以話係抵食！