金記冰室 (元朗廣場) (已結業)

同朋友黎到元朗廣場內呢間冰室食晚飯，呢日唔洗等位，入面又大又舒服，環境企理都算乾淨嘅。又可掃QR CORD落單，服務員上菜速度快，價錢不太貴一般食物約六,七十蚊已有交易。鐵板海陸空一大塊豬扒雖然唔係厚切，反而煎得兩面香脆，仲有雞肶同魚柳等一層層疊住，加埋燒汁就更加好味。睇黎食肉獸也可以體驗一下！星洲炒米大大碟既炒米粉麵黎講份量好多，炒得好均勻同乾身，仲有陣陣既咖哩既香。韭黃蝦球炒滑蛋蛋炒得夠嫩滑，蝦球還算大隻，配合着韭黄来炒非常夠鍋氣，用来送飯一流。