滿江紅小甜甜 (已結業)

第一次黎小甜甜係午餐時間，因為今次無點影相，但都可以簡單介紹一下！主食類比較偏向川菜非常適合愛吃辣嘅朋友當然也有一些不辣的家常菜囉！午餐嗌左個口水雞餐，一人份量都足夠，麻辣味重，辛辣味後期漸濃，另外仲有湯同菜送，午餐來講優惠又抵食！另外單點左 薑蔥魚春魚卜煲值得推介，魚春卜卜脆，一淡魚春一淡魚卜再加埋啲蔥一齊食真係無得輸，入晒味，個煲由頭到尾都熱辣辣，好滿足。值得一提嘅係，今次我同朋友點左兩杯蜂蜜火龍果汁，絕對唔會失望，甜度岩岩好，又足料，飲到蜜糖甜味亦有濃濃嘅果香！菜圃蛋一道家常菜食落唔鹹，味道啱啱好整個份量好足夠，一疊四個人食夠！煎得好香口，真係送飯一流，呢樣小菜好有家嘅感覺！