Ruby Tuesday (世貿中心) (已結業)

今日老細請食團年午飯，但由於中式食肆太多人，又見Ruby Tuesday有coupon，買一送一（其實係送平啲嗰個 lunch set ），二話不說就訂枱。見今日 free lunch ，就叫左steak据下。午市套餐可以揀湯或者沙津，天寒地凍，所以就要忌廉湯。個湯好creamy，一啲都冇將貨就價，落少啲料，啱哂鍾意cream嘅朋友。跟湯仲有蒜蓉包，應該係蒜蓉波先啱，熱辣辣嘅蒜蓉波份外香，點湯一流。個steak我要medium rare，煮得熟咗少少，但都有少少血水，啱我！雖然塊扒唔係好大件，但都幾厚。外皮煎得都好香脆。仲要左個牛油點steak 食，啲牛油比一餐肆香，仲有少少蒜蓉味，同牛扒好夾。建議你地食牛扒唔好要汁要牛油，牛油香同好食好多。配菜薯條炸得啱啱好，上菜時熱辣辣兼且好脆，一流。如有coupon絕對抵食！埋單6個餐(4個叫牛扒)都係600個大洋，抵食過晚市好多，而質素又相若。