富山居 (裝修中)

估唔到媽咪會介紹餐廳俾我食，我今日做咗個乖乖女去試吓媽咪講嘅呢間餐廳🤣衰鬼，又真係幾好味喎😆首先嘢食夠抵食，而且夠大份，再黎就係夠新鮮！另外餐廳做緊個優惠，就係只要喺社交平台讚好就可以加一蚊可以有板燒蒜香牛油燒龍蝦半隻👏🏻❤️蒜香牛油燒龍蝦半隻，蝦肉好彈牙又有膏，而且好重蒜香牛油味，夠哂重口味！❤️昭和香煎牛柳，牛柳質感超嫩超有口感，而且無話有筋咬唔到，抵讚！❤️三文魚刺身同吞拿魚刺身，兩款都好新鮮！但我更愛三文魚🤭滑一滑入口，正！