立哥麵家 (已結業)

立哥麵家可以話係元朗區內少數抵食又好味既餐廳雖然餐廳名係立哥麵家 但佢並唔係以麵作為主打反而佢唔少飯類都非常出色♡其中蒲燒鰻魚飯可以話係必食之選一黎飯量非常足 二黎飯面頭足足鋪左兩大塊鰻魚合起黎加埋應該有一整條鰻魚 認真足料而且鰻魚品質唔錯  肉質肥美之餘又冇咩魚骨 非常易入口!比起好多賣鰻魚飯既日式餐廳都更好食而且性價比亦更高  只係$69加上鰻魚醬汁味道適宜 唔會過咸或過甜令成碗飯既味道結合得完美無縫!飯面層本身已經有些許醬汁但食到冇汁時亦冇有怕 因為侍應姐姐每次都會攞埋支鰻魚汁黎等食客可以按自己既需要加汁 送飯確係一流亦因為咁 每次都會食到一粒飯都冇淨 完全係大~滿~足啊不過建議飯量細既人士可以叫少飯 如果唔係分分鐘食唔哂另外 個飯仲跟左一塊紫菜你可以選擇就咁食 又或者包住飯當係鰻魚壽司咁食令進食既體驗更多元化唯一要改善既地方係米可以煮得更香軟未知係味預先煮好放涼左既關係 有時會覺得d飯凍左好難用匙羹整開 如果改善左呢一點個飯一定更完美♡ ♡ 至於杯紅豆冰..唔單止椰汁味重 奶香濃 紅豆份量亦足 佔全杯約3分之1甜度適中之餘 紅豆亦已經煲到起哂沙 令整體味道更昇華碎冰既份量亦適宜