羅麥記 (荃新天地) (已結業)

今日行街去了荃新天地，見肚餓就去地下找餐廳，原來這裡有間羅麥記，之前在屯門食過幾次不錯，就和朋友來吃，坐下之後看到有一個二人套餐十分平，不用二百有小菜有小食同飯，仲有飲品就叫一個再加一個小食，因份量太多最後仲帶了點外賣回家。小菜的涼瓜炆倉魚，倉魚十分大條而且肉都幾滑，涼瓜少甘味又爽口，配上醬汁好惹味有驚喜。另一款小菜叫了梅菜扣肉，好入味又不太油身，扣肉加梅菜送飯都不錯。小食選了蝦多士有二件，我們一人一件，蝦爽口而多士的口感脆又軟熟，避風塘雞翼二件，都炸得幾乾身。當然見到餐牌有乳鴿食就叫了一隻都是五十六元，皮脆肉嫩，這價錢好抵食。仲送白飯同湯，份量十足，飲特飲黑牛同紅豆冰粒粒奶茶，奶茶走甜配紅豆十分好，紅豆大粒茶味濃。