金鶴拉麵 (荷李活道) (已結業)

星期五晚在中環覓食，記得以前都聽過朋友推介呢間拉麵，今次幸運見到唔使排隊，最多人推薦嘅係雞白湯拉麵，當然要試吓。另外仲叫咗碗特濃蟹湯拉麵。拉麵一到就急不及待試吓淡湯底，雞湯有鮮味好好飲，加上雞肉和豚肉的厚度適中，亦唔會煮得太腍，成碗拉麵會令人一食再食。至於蟹湯拉麵，上面有好多蟹肉，湯底同樣有鮮甜蟹味，食到中段湯底有啲杰，但仲有濃濃的蟹味。兩碗拉麵當然唔夠食，於是就試埋燒牛舌，魷魚同埋雞軟骨，串燒就不過不失，無覺得好驚奇的感覺。而家做緊新加入會員優惠，食一蚊就儲到一分，即時入會仲送100分，已經可以換到一罐可樂，相當抵食！唯一係侍應的態度一般，如果可以改變一下會較好。