Sense Cafe (已結業)

又一次比樓下嘅餐牌吸引到。見到呢間樓上cafe嘅食物選擇夠多，而且價錢又相宜，就決定上去渡過呢個週末嘅下午。泰式香茅燒春雞雞嘅份量冇令到我失望，而更有驚喜嘅係除表皮有香茅味，而入邊嘅雞肉亦充滿香茅味。表皮夠香脆，雞肉亦夠嫩滑，口感一流。龍蝦汁海鮮扁意粉扁意粉入邊加入左頗多嘅蘑菇同埋蘆筍，食落夠晒清新。扁意粉煮得軟硬適，而伴隨着嘅龍蝦汁又夠晒入味。最後不得不提cafe嘅飲品。即磨咖啡嘅質素非常好，飲落唔會太酸又夠晒香，冇加糖冇加奶，直接飲曬咗整杯咖啡。