勝八鉄板串料理 (已結業)

同朋友食lunch, 今次去到有驚喜，set lunch menu多左好多選擇，但今次特別想食薄燒牛肉，所以就叫左B餐🙈刺身有三文魚同甜蝦，分量少少，但都好新鮮👍🏻鵝肝多士都幾好味，鵝肝肥美，煎得又香❤️淋上面既汁係甜既，好特別！配埋香脆既多士，口感好豐富👍🏻依個餐可以選擇炒飯或烏冬，我就揀左牛肉烏冬！個烏冬就不過不失啦，湯比較清，不過牛肉都幾嫩既！輪到我最愛既薄燒牛肉啦❤️入面包住香蔥，牛肉岩岩熟，點埋佢地特製既醬汁，非常好味😊而帶子方面，餐廳好貼心咁切晒粒，啲汁就頗重牛油味，反而我就覺得蓋過左帶子本身既鮮味☹️最後仲送左cookies and cream雪糕😍好圓滿啊😍