六両三.台灣食堂 (已結業)

琴晚去咗六「六両三」食晚餐，係呀，我食嘢呀🫣🤣初初以為位置好遠，原來喺觀塘APM地鐵站 出，過天橋到駿業街，大概3分鐘路程就到「國基集團中心」，上4樓就見到好大個「六両三」嘅木製門牌，對於路痴嘅我或你都會揾到🫣💛PS：其實喺大堂嗰度已經見到六両三嘅Menu同招牌🤣呀，係呀，琴晚嗰間係觀塘分店，其實佢哋仲有天后同尖沙咀分店，主要係食台灣麵牛肉麵同埋台灣食物，有機會去試埋，等大家多個選擇🫶🏻到底觀塘分店同其餘果兩間分店有咩分別？觀塘分店環境好大，空間感夠，仲有一幅好大嘅藝術畫，由多鵸 +茶色金魚 設計繪畫，唔錯嘅打卡位📸。另外，觀塘分店有一人火鍋套餐，有三個選擇，分別係：分店有藥膳麻辣鍋、牛骨沙茶鍋、以及蔬菜養生鍋，每一個套餐都配一個主菜加雜菜煲，另外可以加$10雞叫指定台式飲品。如果鍾意飲酒嘅你，套餐可以加配啤酒 Stella、Hoeegarden或者1664。琴晚試咗兩個鍋，分別係藥膳同養生鍋。鍾意食辣㗎你哋，可以選擇呢個，覺得唔夠麻辣，可以試吓叫職員加辣，職員都會盡量滿足客人嘅要求，牛同豬算新鮮，味道可以。至於養生鍋，啱晒鍾意清清地怕肥嘅你哋，就算個湯底煮晒啲雜菜，都唔會油膩，仲飲得