曼谷車站

營業中

休息中

九龍灣既街坊小店，主打泰國菜，堂食同外賣都深受街坊歡迎。食晏就都係$50-$60 左右一個飯，仲包熱飲，幾抵食。《馬拉盞通菜炒牛肉》 $50充滿泰國風味，充滿香料既香氣，少少辣又唔會太鹹，餸飯一流。牛肉份量正常，都幾嫩滑，唔會韌。《泰式炒金邊粉》 $53上菜熱辣辣，金邊粉唔會太乾身，黏身少少，食落有啲煙靭彈牙。一碟有三隻中size 蝦，配上酸酸甜甜嘅醬汁，食落好開胃。最鍾意佢加咗少少菜脯落去炒，碟上附上花生碎，混合一齊食，令口感更豐富。餐廳環境乾淨，裝修幾特別，以火車車廂理念設計，好有泰國特色。一路食既時候都聽到佢有唔少外賣訂單，生意都幾好。晚市暫時未試過，搵機會再去試下😆