影片
更多
2019-04-14
49 瀏覽
豉椒炒聖子餐牌上沒有的時令菜式，只在門外的黑板中顯示，既然時令當然要試下啦，機會唔係時時有架嘛先講價錢，以$78元食到聖子的確有啲又驚又喜，驚係指新鮮問題，喜土當然係價格十分之吸引啦，圖片中顯示只有兩隻聖子殼，得兩隻？非也...其實聖子肉係非常之多，而味道方面亦都係一貫作風—好好味！聖子新鮮不在話下，肉質爽脆而沒有半點砂石，配菜豐富兼香味濃郁，最重要係無漿糊般既豆豉芡，又有可做到有豉汁既精髓！咁既價錢食到如此質素，真希望下次去食既時候仲可以食到啦~金磗百味豆腐越係平凡既食材，要煮得好食就越考功夫，而豆腐保存得是否妥當亦都係重要既一環，春夏回暖，細菌大量地滋生會使豆腐容易變壞，而此豆腐絕對新鮮，核心十分嫩滑，表面金黃鬆脆兼備椒鹽既鹹香，再略帶著微微既五香之味，咬開後筷子稍微用力都足以令豆腐粉身碎骨，要小心地吃喔大漠孜然豬串骨孜然既味道，除左小妹到神州食羊肉或串燒之外，響本地食過既真係寥寥可數，所以一定要把握機會試下，嘻嘻！避風塘式既煮法，微微既香辣配上孜然獨特既氣味，就咁聞下陣味都已經垂涏三尺，一手拎起佢既骨柄就一口砌落去(失禮哂)，豬肉既香味真係其它肉類無法媲美，肉質鮮嫩，肥瘦適中，越
豉椒炒聖子
餐牌上沒有的時令菜式，只在門外的黑板中顯示，既然時令當然要試下啦，機會唔係時時有架嘛
先講價錢，以$78元食到聖子的確有啲又驚又喜，驚係指新鮮問題，喜土當然係價格十分之吸引啦，
圖片中顯示只有兩隻聖子殼，得兩隻？非也...其實聖子肉係非常之多，而味道方面亦都係一貫作風—好好味！
聖子新鮮不在話下，肉質爽脆而沒有半點砂石，配菜豐富兼香味濃郁，最重要係無漿糊般既豆豉芡，又有可做到有豉汁既精髓！
咁既價錢食到如此質素，真希望下次去食既時候仲可以食到啦~
金磗百味豆腐
越係平凡既食材，要煮得好食就越考功夫，而豆腐保存得是否妥當亦都係重要既一環，春夏回暖，細菌大量地滋生會使豆腐容易變壞，
而此豆腐絕對新鮮，核心十分嫩滑，表面金黃鬆脆兼備椒鹽既鹹香，再略帶著微微既五香之味，咬開後筷子稍微用力都足以令豆腐粉身碎骨，要小心地吃喔
大漠孜然豬串骨
孜然既味道，除左小妹到神州食羊肉或串燒之外，響本地食過既真係寥寥可數，所以一定要把握機會試下，嘻嘻！
避風塘式既煮法，微微既香辣配上孜然獨特既氣味，就咁聞下陣味都已經垂涏三尺，一手拎起佢既骨柄就一口砌落去(失禮哂)，
豬肉既香味真係其它肉類無法媲美，肉質鮮嫩，肥瘦適中，越接近骨既範圍就越香濃，美味至極！
粟米魚肚羹
重量級既魚肚，切至粒顆郤大細平均，稍微爽口又帶點分柔滑，相信廚師響前期落左唔少功夫，保留魚肚既味道，又沒有半點腥味，
粟火既甜味帶起左成個羹既清新感，配上適量蛋花，既清甜又有鮮味，唔會太過傑撻撻既同時，都唔會有希NelNel既感覺，恰到好處，
成個羹既每個項目都拿捏得十分之好。
張貼
