新錦園大排檔

營業中

休息中

位於奧運熟食市場嘅大牌檔成間大排檔佔左成層 以大排檔黎講都算幾乾淨今日突然間想食中式海鮮 <例牌白灼蝦>唔好睇少個白灼蝦 灼得時間啱好係好重要 以我今晚食左果碟就煮得啱啱好 蝦肉好爽又唔會過老 <蒸桂花魚>碟蒸魚喺個面淋上熟油加蔥 鮮嫩得黎又好香<蒜蓉蒸扇貝>蒜蓉粉絲加扇貝哩呢個組合無得輸<蒜蓉芥菜膽>第一次食芥菜膽 好嫩完全冇渣 加埋少少蒜蓉味 個芥菜膽顯得更鮮甜整體黎講都覺得唔錯 雖然室內大排檔係比較嘈 但係呢間還可以接受 如果又係九龍 又想食下排檔 呢嗰係一個唔錯嘅選擇