影片
更多
2023-09-29
54 瀏覽
上次黎過呢間餐廳既隔離飲過手搖飲品既時候見到有個$148既特價餐已經想試架啦，今次就平日lunch過黎食，諗住少人d唔洗排隊直入😆咁我地兩個人都係揀食全日鐵板燒優惠餐（$148），呢個餐佢係可以揀牛或者豚肉，咁我地就一人揀一樣，食之前首先上左沙律前菜開胃先，跟住就有個師傅過黎幫我地整鐵板燒啦😋師傅將食材攞比我地睇下先，之後會問我地牛怕唔怕生，再開始幫我地煮，首先食既係隻蝦配蔬菜，隻蝦爽口彈牙，再加上師傅適當調味，好好味🥰之後就到牛同豚肉，師傅會加埋蔥同炸蒜片整，燒好塊肉就卷住蔥同炸蒜上碟，肉同配料好夾，加上塊肉燒既時候亦有調味，師傅手勢幾好，同埋特價餐既肉都係靚既，咬落去有肉既油份同肉汁，真係正🤩之後就係個炒飯，佢可以揀牛肉或者煙肉炒飯，咁我地就各揀一份，不過整既時候師傅都知我地係會share食，所以都係一次過炒比我地，個炒飯用d洋蔥同青椒等等炒香佢，加埋d肉碎整出黎香噴噴，好食，食飯既同時員工會比埋個麵豉湯我地飲，時間岩岩好👍🏻最後我地追加左鐵板焦糖多士（$10），呢個多士好邪惡，係用牛油同糖去整，d糖沾滿多士上面，再燒得岩岩好金黃色，食落又脆又好味，就算食完要去減肥都要食呀🤣飲品方
咁我地兩個人都係揀食全日鐵板燒優惠餐（$148），呢個餐佢係可以揀牛或者豚肉，咁我地就一人揀一樣，食之前首先上左沙律前菜開胃先，跟住就有個師傅過黎幫我地整鐵板燒啦😋
師傅將食材攞比我地睇下先，之後會問我地牛怕唔怕生，再開始幫我地煮，首先食既係隻蝦配蔬菜，隻蝦爽口彈牙，再加上師傅適當調味，好好味🥰
之後就到牛同豚肉，師傅會加埋蔥同炸蒜片整，燒好塊肉就卷住蔥同炸蒜上碟，肉同配料好夾，加上塊肉燒既時候亦有調味，師傅手勢幾好，同埋特價餐既肉都係靚既，咬落去有肉既油份同肉汁，真係正🤩
之後就係個炒飯，佢可以揀牛肉或者煙肉炒飯，咁我地就各揀一份，不過整既時候師傅都知我地係會share食，所以都係一次過炒比我地，個炒飯用d洋蔥同青椒等等炒香佢，加埋d肉碎整出黎香噴噴，好食，食飯既同時員工會比埋個麵豉湯我地飲，時間岩岩好👍🏻
最後我地追加左鐵板焦糖多士（$10），呢個多士好邪惡，係用牛油同糖去整，d糖沾滿多士上面，再燒得岩岩好金黃色，食落又脆又好味，就算食完要去減肥都要食呀🤣
飲品方面會有半價優惠叫comma既飲品，我就揀左凍白桃冰號加椰果（$19），另一杯就係凍寒天青茶（$17），兩杯飲品都保持上次水準，都係一樣咁岩我地口味🤪
呢間個特價餐我覺得係抵食，成個餐既種類同份量都適中，食曬就會夠飽，又有專人去為我服務，除左廚師，其他店員都做得好好，收碟都快，個餐仲要夜晚都一樣價先正，雖然我係食lunch😂
張貼
