木玥巷 (已結業)

都有一排無食台灣野，估唔到一食就日日食咁制😂今日揀咗呢間木玥巷，本身得屯門有，知道元朗都開咗，拉埋另一半去食！環境就係朗屏站附近，地理位置方便。餐牌都幾多食物，重點係價錢唔貴，點多幾款都無問題。雙色鹽酥雞 $56必點！雞件炸粉薄身，雞肉juicy，再配上蜜糖，好夾！ 蜂蜜冰烤地瓜 $42 夏天嗌呢個一流呀！食落去勁消暑，凍冰冰，烤地瓜本身已經甜，加上蜂蜜更加滋味。蒼蠅頭配刈包 $78 主要由韮菜、肉碎、黑豆豉及辣椒炒成，因為有黑豆豉，亦令有蒼蠅頭呢個名。本身蒼蠅頭呢味餸已經餸飯一流，微微辣辣，加上刈包到食，飽肚感提升，口感亦更好。塔香香辣牛肉炒飯 $88 又叫咗款好惹味嘅炒飯，飯炒得夠乾身，味道比較清淡，可以用蒼蠅頭餸飯都得。白桃桂花烏龍清茶 $32 落單前店員已告知此款無糖，啱哂我呢啲嗌開走甜嘅人。冬瓜蜜檸檬紅茶 $32 冬瓜蜜配檸檬清甜得嚟又開胃。